AJIRA MPYA 980 TAKUKURU KUONGEZA NGUVU KATIKA MAPAMBANO YA RUSHWA NCHINI-Mhe. Kikwete

 Na. Antonia Mbwambo na Veronica Mwafisi-Morogoro

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete amesema ajira mpya 980 zilizotolewa na Serikali kwa ajili ya Taasisi ya Kuzuia na Kupambana na Rushwa nchini (TAKUKURU) zitaongeza nguvu katika mapambano dhidi ya rushwa nchini.

Mhe. Kikwete amesema hayo wakati akitoa maelezo ya awali kabla ya kumkaribisha Waziri Mkuu wa Jamhuri ya Muungano wa Tanzania, Mhe. Dkt. Mwigulu Nchemba kuzungumza na Viongozi wa TAKUKURU na Wadau mbalimbali wa Taasisi hiyo wakati akimwakilisha Rais wa Jamhuri ya Muungano wa Tanzani, Mhe. Dkt. Samia Suluhu Hassan kwenye hafla ya ufunguzi wa Mkutano Mkuu wa Mwaka wa taasisi hiyo uliofanyika katika ukumbi wa Cate mkoani Morogoro.

Amemshukuru Mhe. Rais kwa kutoa kibali cha ajira hizo na kuwatahadharisha watumishi wa umma kutojihusisha na vitendo vya rushwa. “Katika kuboresha utendaji kazi wa Utumishi wa Umma nchini hatua kali zitachukuliwa kwa watumishi watakaojihusisha na vitendo vya rushwa ili kuwa na utumishi wa umma unaozingatia Taratibu, Kanuni, Sheria na Miongozo,” amesisitiza.

Mhe. Kikwete ameahidi kuwa, ofisi yake itaendelea kusimamia taasisi ya TAKUKURU kwa mujibu wa Sheria na kadri ya maelekezo ya Mhe. Rais yatakavyotolewa ili kuongeza tija na kutoa haki stahiki kwa wananchi kwa maendeleo ya Taifa.

Aidha, ameishukuru Serikali kwa uwezeshaji mkubwa wa mara kwa mara katika taasisi hiyo ikiwemo rasilimaliwatu, fedha ambazo zimesaidia kujenga majengo mbalimbali ya TAKUKURU na vifaa mbalimbali vya utendaji kazi.

Naye, Mkurugenzi Mkuu wa TAKUKURU, Bw. Crispin Chalamila amesema ofisi yake inaendelea na utekelezaji wa shughuli zake kwa mujibu wa Sheria ambapo wamedhamiria kuimarisha kwa vitendo jitihada za Serikali juu ya mapambano dhidi ya rushwa nchini kwa manufaa ya wananchi na taifa kwa ujumla.

Aidha, Bw. Chalamila amesema, TAKUKURU inaendelea na kazi ya kuelimisha umma mijini na vijijini kuhusu masuala ya rushwa na kufuatilia utekelezaji wa miradi ya Serikali ili kuzuia vitendo vya rushwa kwa manufaa ya nchi.

Mkutano Mkuu wa mwaka wa Viongozi wa TAKUKURU hufanyika kwa lengo la kubainisha changamoto zinazowakabili katika utendaji kazi wao na kutafuta ufumbuzi wa pamoja. Mkutano huu una kaulimbiu ya “Kuzuia rushwa ni jukumu lako na langu, tutimize wajibu wetu”.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete akizungumza na Viongozi wa TAKUKURU na wadau mbalimbali wa Taasisi hiyo (hawapo pichani) kabla ya kumkaribisha Waziri Mkuu wa Jamhuri ya Muungano wa Tanzania Dkt Mwigulu Nchemba kufungua Mkutano Mkuu wa Mwaka 2025 wa Viongozi hao Mkoani Morogoro.

Viongozi wa TAKUKURU na wadau mbalimbali wa Taasisi hiyo wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (hayupo pichani) akitoa maelezo ya awali kabla ya kumkaribisha Waziri Mkuu wa Jamhuri ya Muungano wa Tanzania Dkt Mwigulu Nchemba kufungua Mkutano Mkuu wa Mwaka 2025 wa Viongozi hao Mkoani Morogoro.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete akizungumza na Viongozi wa TAKUKURU na wadau mbalimbali wa Taasisi hiyo (hawapo pichani) kabla ya kumkaribisha Waziri Mkuu wa Jamhuri ya Muungano wa Tanzania Dkt Mwigulu Nchemba kufungua Mkutano Mkuu wa Mwaka 2025 wa Viongozi hao Mkoani Morogoro.

Waziri Mkuu wa Jamhuri ya Muungano wa Tanzania Dkt Mwigulu Nchemba (aliyekaa katikati) akiwa katika picha ya pamoja na Wakuu wa vyombo vya Ulinzi na Usalama katika hafla ya Ufunguzi wa Mkutano Mkuu wa Mwaka 2025 wa Viongozi wa TAKUKURU uliofanyika leo tarehe 26 Januari, 2026 Mkoani Morogoro. Kulia kwake ni Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete na kushoto kwake ni Mkurugenzi Mkuu wa TAKUKURU, Bw. Crispin Chalamila 

Viongozi wa TAKUKURU na wadau mbalimbali wa Taasisi hiyo wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (hayupo pichani) akitoa maelezo ya awali kabla ya kumkaribisha Waziri Mkuu wa Jamhuri ya Muungano wa Tanzania Dkt Mwigulu Nchemba kufungua Mkutano Mkuu wa Mwaka 2025 wa Viongozi hao Mkoani Morogoro.

Mkurugenzi Mkuu wa TAKUKURU, Bw. Crispin Chalamila (kushoto) akisalimiana na Naibu Mkurugenzi Mkuu wa TAKUKURU, Bi. Neema Mwakalyelye (kulia) baada ya kuwasili katika hafla ya Ufunguzi wa Mkutano Mkuu wa Mwaka 2025 wa Viongozi wa TAKUKURU uliofanyika leo tarehe 26 Januari, 2026 Mkoani Morogoro.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (wa kwanza Kushoto) akiwa tayari kumpokea Waziri Mkuu wa Jamhuri ya Muungano wa Tanzania Dkt Mwigulu Nchemba katika hafla ya Ufunguzi wa Mkutano Mkuu wa Mwaka 2025 wa Viongozi wa TAKUKURU uliofanyika leo tarehe 26 Januari, 2026 Mkoani Morogoro. Kushoto kwake ni Katibu Mkuu Ikulu Bw. Mululi Mahendeka

Naibu Mkurugenzi Mkuu wa TAKUKURU, Bi. Neema Mwakalyelye wa TAKUKURU akifurahia jambo na Mkurugenzi wa Usimamizi wa Maadili, Ofisi ya Rais-UTUMISHI na Utawala Bora, Bi. Felister Shuli wakati walipokuwa katika ufunguzi wa Mkutano Mkuu wa Mwaka 2025 wa Viongozi wa TAKUKURU uliofanyika Mkoani Morogoro

Viongozi wa TAKUKURU na wadau mbalimbali wa Taasisi hiyo wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (hayupo pichani) akitoa maelezo ya awali kabla ya kumkaribisha Waziri Mkuu wa Jamhuri ya Muungano wa Tanzania Dkt Mwigulu Nchemba kufungua Mkutano Mkuu wa Mwaka 2025 wa Viongozi hao Mkoani Morogoro.