WATUMISHI WA UMMA WASISITIZWA UWAJIBIKAJI KATIKA MAENEO YAO YA KAZI

 

SERIKALI YATOA AJIRA 12,000 KATIKA SEKTA YA AFYA NA NA ELIMU

 

TEKNOLOJIA YA KISASA KATIKA KUBORESHA UTENDAJI KAZI

 

MASLAHI YA WATUMISHI WA UMMA KUBORESHWA

 

SALAMU ZA PONGEZI

 

KATIBU MKUU OFISI YA RAIS AWASISITIZA WATUMISHI WA UMMA KUDUMISHA AMANI

Na Eric Amani, Dodoma.

Katibu Mkuu Ofisi ya Rais, Menejimenti ya Utumishi wa Umma, Bw. Juma Mkomi, ametoa wito kwa Watumishi wa Umma nchini kuendelea kudumisha amani, mshikamano na uzalendo katika kutekeleza majukumu yao ya kila siku kwa manufaa ya Taifa.

Akizungumza jijini Dodoma leo tarehe 10 Novemba, 2025 wakati wa mafunzo ya kuwajengea uwezo watumishi wa ofisi hiyo yanayofanyika kila siku ya Jumatatu, Katibu Mkuu Mkomi amesema, Utumishi wa Umma una nafasi kubwa katika kulinda na kuimarisha amani ya nchi kwa kutoa huduma bora, kuzingatia maadili ya kazi na kuepuka vitendo vinavyoweza kuleta mgawanyiko katika jamii.

“Watumishi wa Umma ni kioo cha Serikali, hivyo mnapaswa kuwa mfano katika uadilifu, uvumilivu na uzalendo,” alisema Katibu Mkuu Mkomi.

Bw. Mkomi pia aliwakumbusha watumishi kuzingatia misingi ya utawala bora, uwajibikaji, na matumizi sahihi ya rasilimali za umma, sambamba na kutumia lugha na mienendo inayojenga taswira chanya ya Serikali.

Kwa upande wake mwewezeshaji ambaye ni Mkurugenzi wa Kitengo cha Ulinzi na Usalama wa TEHEMA, Wizara ya Mawasiliano na Teknolojia ya Habari, Bw. Mussa Chiwelenje amewasisitiza Watumishi kutunza taarifa zao binafsi, za Ofisi na kutochezea miundombinu ya TEHAMA kwa usalama wa Taifa.

Katibu Mkuu Ofisi ya Rais Menejimenti ya Utumishi wa Umma na Utawala Bora Bw. Juma Mkomi akizungumzia suala la kutunza amani kwa watumishi wa ofisi hiyo Novemba 10, 2025 wakati wa mafunzo ya kuwajengea uwezo aidha mafunzo ambayo hufanyika kila jumatatu.

Naibu Katibu Mkuu Ofisi ya Rais Menejimenti ya Utumishi wa Umma na Utawala Bora Bw. Xavier Daudi (Aliyevaa Suti ya Kijivu) akifatilia mafunzo ya Usalama wa Mtandao Novemba 10, 2025 wakati wa mafunzo ya kuwa jengea uwezo watumishi wa ofisi hiyo.

Mkurugenzi Kitengo cha Usalama wa Mtandao na TEHAMA Wizara ya Mawasiliano na Teknolojia ya Habari Bw. Mussa Chiwelenje akiwasilisha Mada ya usalama wa Mtandao kwenye Mafunzo ya Kuwajengea uwezo watumishi wa ofisi ya Rais - UTUMISHI Novemba 10, 2025.

Afisa TEHAMA Wizara ya Mawasiliano na Teknolojia ya Habari Bw. Hafidh Masoud akiwasilisha Mada ya usalama wa Mtandao na Hadaa kwenye Mafunzo ya Kuwajengea uwezo watumishi wa ofisi ya Rais - UTUMISHI Novemba 10, 2025.

  

Afisa TEHAMA Wizara ya Mawasiliano na Teknolojia ya Habari Bw. Hafidh Masoud akiwasilisha Mada ya Hadaa kupitia picha mjongeo kwenye Mafunzo ya Kuwajengea uwezo watumishi wa ofisi ya Rais - UTUMISHI Novemba 10, 2025.

Mkurugenzi Idara ya Utawala na Usimamizi Rasilimaliwatu Ofisi ya Rais - UTUMISHI Bw. Mussa Magufuli Novemba 10, 2025 akichangia Mada kwenye mafunzo ya Kuwajengea uwezo watumishi wa ofisi hiyo Mtumba Jijini Dodoma.

Mkurugenzi wa TEHAMA Serikalini Ofisi ya Rais - UTUMISHI Bw. Priscus Kiwango Novemba 10, 2025 akichangia Mada ya usalama wa mtandao na hadaa wakati wa mafunzo ya kuwajengea uwezo watumishi wa ofisi hiyo Jijini Dodoma.

Sehemu ya Watumishi wa Ofisi ya Rais, Menejimenti ya Utumishi wa Umma na Utawala Bora wakimsikiliza Mwezeshaji kutoka Wizara ya Mawasiliano na Teknolojia ya Habari  alipofika kutoa mafunzo kuhusu usalama wa mtandao Novemba 10, 2025 Mtumba Jijini Dodoma.

SALAMU ZA PONGEZI