“IDARA YA KUMBUKUMBU NA NYARAKA NI KIUNGO MUHIMU KATIKA HISTORIA YA NCHI YETU”- Mhe. Ridhiwani Kikwete

 Na Antonia Mbwambo-Dodoma

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete ametoa wito kwa Menejimenti na Watumishi wa Idara ya Kumbukumbu na Nyaraka za Taifa kuendelea kukusanya taarifa, kumbukumbu, nyaraka na machapisho mbalimbali yanayohusu historia ya nchi yetu na waasisi wa Taifa letu ili kutoa taswira ya nchi yetu kwa vizazi vijavyo.

 Mhe. Kikwete ametoa wito huo akiwa kwenye mwendelezo wa ziara ya kikazi katika taasisi zilizo chini ya Ofisi ya Rais Menejimenti ya Utumishi wa Umma na Utawala Bora ambapo leo ametembelea katika Idara ya Kumbukumbu na Nyaraka za Taifa jijini Dodoma.

“Niwapongeze kwa kazi nzuri mnayofanya ya kukusanya kumbukumbu na nyaraka, ninyi ni kiungo muhimu sana katika historia ya nchi yetu, tuna kazi kubwa ya kutunza kumbukumbu na kuweka nyaraka sawa. Historia ya Tanzania yetu iko chini ya Idara hii, jambo kubwa na la msingi ni kuhakikisha kazi hii inafanyika kwa ufanisi. Mimi na mwenzangu Naibu Waziri pamoja na watendaji wa Ofisi yetu tuko tayari kuwapa ushirikiano, ili tutekeleze vizuri majukumu yaliyoainishwa katika muundo wa taasisi hii,” ameongeza Mhe. Kikwete.

 Mhe. Kikwete pia ameielekeza Idara hiyo kuweka na kuhuisha mifumo ya utunzaji wa kumbukumbu (Keyword filling system and e-file management system) katika Taasisi za Umma ili kuongeza ufanisi na tija katika utoaji wa huduma Serikalini kwa kuwa suala hilo bado ni changamoto kubwa katika Taasisi nyingi za Umma.

 Aidha, amewasisitiza kuendelea kutambua, kukusanya, kutunza na kuhifadhi kumbukumbu na vitu vya waasisi wa Taifa letu, kuendelea kuimarisha masijala katika Taasisi za Umma kwa kuzijengea uwezo Taasisi za Serikali kuhusu utunzaji wa kumbukumbu, kusimamia matumizi ya Mfumo wa e-Office na kuhakisha Roll Out ya Mfumo huo katika Taasisi zote za Umma pamoja na kusimamia maadili na taratibu za kiutendaji ili kukomesha vitendo vya uvujishaji wa Siri za Serikali;

 Akitoa neno la utangulizi kabla ya kumkaribisha Mhe. Ridhiwani kuzungumza na watumishi wa Idara ya Kumbukumbu na Nyaraka za Taifa, Naibu Waziri Ofisi ya Rais Menejimenti ya Utumishi wa Umma na Utawala Bora, Mhe. Regina Qwaray ameipongeza Ofisi hiyo kwa kazi nzuri wanayoifanya katika kutunza kumbukumbu na nyaraka za taifa.

“Nimejifunza mambo mengi, nimepata darasa la kutosha sikujua kama kuna mambo mengi hapa kabla ya sisi kuzaliwa,” Mhe. Qwaray ameongeza

 Ametoa wito kwa Menejimenti na Watumishi wa Idara hiyo kutangaza utekelezaji wa majukumu ya taasisi yao ili watu wengi hasa vijana wa Tanzania wakajifunze na kujua historia ya nchi yao na kuwa wazalendo.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete akisalimiana na Menejimenti na Watumishi wa Idara ya Kumbukumbu na Nyaraka za Taifa baada ya kuwasili katika Ofisi hiyo katika wa ziara yake ya kikazi Ofisi ya Idara ya Kumbukumbu na Nyaraka za Taifa leo tarehe 25 Novemba, 2025 jijini Dodoma

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete akisaini kitabu cha wageni baada ya kuwasili Ofisi ya Kumbukumbu na Nyaraka za Taifa katika ziara yake ya kikazi Taifa leo tarehe 25 Novemba, 2025 jijini Dodoma

Menejimenti na watumishi wa Ofisi ya Idara ya Kumbukumbu na Nyaraka za Taifa wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (hayupo pichani) akizungumza nao wakati wa ziara yake ya kikazi katika Ofisi hiyo leo tarehe 25 Novemba, 2025 jijini Dodoma

Mkurugenzi Mkuu Ofisi ya Rais, Idara ya Kumbukumbu na Nyaraka za Taifa Bw. Firimin Msiangi akifafanua (wa kwanza kushoto) jambo kabla ya wakati Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete pamoja na Naibu Waziri wa Ofisi hiyo, Mhe. Regina Qwaray wakipewa maelezo ya namna historia ya nchi na tamaduni mbalimbali za kitanzania zinavyotunzwa tangu wakati wa ukoloni katika wa ziara yao ya kikazi Ofisi ya Idara ya Kumbukumbu na Nyaraka za Taifa leo tarehe 25 Novemba, 2025 jijini Dodoma

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete akizungumza na Menejimenti na Watumishi wa Idara ya Kumbukumbu na Nyaraka za Taifa (hawapo pichani) wakati wa ziara yake ya kikazi katika Ofisi hiyo leo tarehe 25 Novemba, 2025 jijini Dodoma.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akitoa neno kabla ya kumkaribisha Waziri wa ofisi hiyo Mhe. Ridhiwani Kikwete kuzungumza na Menejimenti na Watumishi wa Idara ya Kumbukumbu na Nyaraka za Taifa wakati wa ziara ya kikazi ya viongozi hao katika Ofisi hiyo leo tarehe 25 Novemba,2025 jijini Dodoma. 

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (wa pili kushoto) pamoja na Naibu Waziri wa Ofisi hiyo, Mhe. Regina Qwaray (wa kwanza kulia) wakipewa maelezo ya namna historia ya nchi na tamaduni mbalimbali za kitanzania zinavyotunzwa tangu wakati wa ukoloni wakati wa ziara yao ya kikazi Ofisi ya Idara ya Kumbukumbu na Nyaraka za Taifa leo tarehe 25 Novemba, 2025 jijini Dodoma

Afisa Kumbukumbu, Idara ya Kumbukumbu na Nyaraka za Taifa, Bi Neema Makuni akiwaelezea Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete pamoja na viongozi wengine aliofwatana nao (hawapo kwenye picha) namna historia ya nchi na tamaduni mbalimbali za kitanzania zinavyotunzwa tangu wakati wa ukoloni wakati wa ziara yao ya kikazi Ofisi ya Idara ya Kumbukumbu na Nyaraka za Taifa leo tarehe 25 Novemba, 2025 jijini Dodoma

Menejimenti na watumishi, Ofisi ya Idara ya Kumbukumbu na Nyaraka za Taifa, wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (hayupo pichani) akizungumza nao wakati wa ziara yake ya kikazi katika Ofisi hiyo leo tarehe 25 Novemba, 2025 jijini Dodoma

Mkurugenzi Mkuu, Ofisi ya Rais, Idara ya Kumbukumbu na Nyaraka za Taifa, Bw. Firimin Msiangi akitoa maneno ya utangulizi kabla ya kumkaribisha Naibu Waziri Ofisi ya Rais Menejimenti ya Utumishi wa Umma na Utawala Bora Mhe. Regina Qwaray ili amkaribishe Waziri wa Ofisi hiyo Mhe. Ridhiwani Kikwete azungumze katika ziara yake ya kikazi katika Ofisi hiyo leo tarehe 25 Novemba, 2025 jijini Dodoma

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akiwaelezea Waziri wa Ofisi ya Rais-UTUMISHI, Menejimenti na watumishi wa Idara ya Kumbukumbu na Nyaraka za Taifa uzoefu wake kwa baadhi ya tamaduni za sehemu ya makabila  wakati wa ziara yao ya kikazi Ofisi ya Idara ya Kumbukumbu na Nyaraka za Taifa leo tarehe 25 Novemba, 2025 jijini Dodoma

 

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akisaini kitabu cha wageni baada ya kuwasili Ofisi ya Kumbukumbu na Nyaraka za Taifa katika ziara yake ya kikazi Taifa leo tarehe 25 Novemba, 2025 jijini Dodoma