WATUMISHI WA UMMA WATAKIWA KUTUMIA MFUMO WA e-WATUMISHI KWA UADILIFU NA UWAJIBIKAJI

Na. Antonia Mbwambo – Dodoma

Tarehe 13 Novemba, 2026

Wakuu wa Idara za Utumishi na Utawala, Wahasibu, Wakaguzi wa Ndani na Maafisa Utumishi na Utawala wametakiwa kutumia Mfumo wa e-Watumishi kwa uadilifu, umakini na uwajibikaji ili kuboresha usimamizi wa rasilimaliwatu na mishahara katika Taasisi za Umma.

Wito huo umetolewa na Mwakilishi wa Katibu Mkuu – UTUMISHI, ambaye ni Mkurugenzi wa Idara ya Mipango wa Ofisi hiyo Bw. Cosmas Ngangaji, Novemba 13, 2026 wakati akifunga mafunzo kuhusu mfumo huo yaliyofanyika katika Ukumbi wa St. Gaspa jijini Dodoma.

Bw. Ngangaji amewataka washiriki kujiepusha na vitendo vya ukiukwaji wa maadili ya kazi ikiwemo uzembe, matumizi ya lugha zisizofaa, kutoa taarifa za uongo na kufanya udanganyifu, akibainisha kuwa Mfumo Mpya wa e-Watumishi una uwezo wa kurekodi na kufuatilia shughuli zote zinazofanywa na watumiaji.

“Matumizi ya Mfumo Mpya wa e-Watumishi yanapaswa kuzingatia uadilifu  na uwajibikaji kwa kufuata Sheria, Kanuni na Taratibu za Utumishi wa Umma ili kuongeza ufanisi katika usimamizi wa rasilimaliwatu na kuboresha utoaji wa huduma kwa umma,” amesema Bw. Ngangaji.

Aidha Bw. Ngangaji ameongeza kuwa mfumo huo utarahisisha upatikanaji wa huduma za kiutumishi kwani utawawezesha Maafisa Utumishi kutatua changamoto za watumishi katika Taasisi zao na kupunguza usumbufu wa kufuata huduma Ofisi ya Rais – UTUMISHI.

Katika mafunzo hayo, washiriki wamejengewa uwezo wa kutumia mfumo huo maeneo mbalimbali ikiwemo ya Ajira, Payroll, pamoja na kushughulikia masuala ya likizo, maadili na upandishaji vyeo kwa mserereko. 

Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji, akizungumza na Washiriki wa mafunzo ya  Mfumo wa e-Watumishi (hawapo pichani) yaliyolenga kuongeza uadilifu na uwajibikaji kwa Watumishi wa umma Novemba 13, 2026 katika ukumbi wa St. Gaspar jijini Dodoma. 

                                            

Mkurugenzi Msaidizi Idara ya Usimamizi wa Rasilimaliwatu Serikalini Ofisi ya Rais, Menejimenti ya Utumishi wa Umma na Utawala Bora Bw. Juma Senzota akifafanua jambo wakati wa mafunzo ya Mfumo wa e-Watumishi kwa Watumishi wa Umma yaliyofanyika Novemba 13, 2026 katika ukumbi wa St. Gaspar jijini Dodoma. 

Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (wa pili kutoka kulia) akiwasili katika ukumbi wa St Gaspar kumwakilisha Katibu Mkuu-UTUMISHI kufunga mafunzo ya  Mfumo wa e-Watumishi Novemba 13, 2026  jijini Dodoma                                    

Baadhi ya wajumbe wa Sekretarieti kutoka Ofisi ya Rais, Menejimenti ya Utumishi wa Umma na Utawala Bora wakifuatilia mada mada za mafunzo ya e-Watumishi kwa Watumishi wa Umma yaliyofanyika Novemba 13, 2026 jijini Dodoma

Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (wa pili kutoka kulia aliyekaa) akiwa katika picha ya pamoja na washiriki wa mafunzo ya mfumo wa e-Watumishi, mara baada ya Mkurugrenzi huyo kufunga mafunzo hayo jijini Dodoma 

Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji  (wa pili kutoka kulia aliyekaa) akiwa katika picha ya pamoja na wajumbe wa sekretarieti wa Ofisi hiyo , mara baada ya Mkurugenzi huyo kufunga mafunzo ya mfumo wa e-Watumishi jijini Dodoma 

Wakuu wa Idara za Utumishi na Utawala, Wahasibu, Wakaguzi wa Ndani na Maafisa Utumishi na Utawala wakimsikiliza Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (hayupo pichani) wakati akifunga  mafunzo ya  Mfumo wa e-Watumishi jijini Dodoma

Wakuu wa Idara za Utumishi na Utawala, Wahasibu, Wakaguzi wa Ndani na Maafisa Utumishi na Utawala wakimsikiliza Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (hayupo pichani) wakati akifunga  mafunzo ya  Mfumo wa e-Watumishi jijini Dodoma

Wakuu wa Idara za Utumishi na Utawala, Wahasibu, Wakaguzi wa Ndani na Maafisa Utumishi na Utawala wakimsikiliza Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (hayupo pichani) wakati akifunga  mafunzo ya  Mfumo wa e-Watumishi jijini Dodoma

Baadhi ya wajumbe wa Sekretarieti kutoka Ofisi ya Rais, Menejimenti ya Utumishi wa Umma na Utawala Bora wakifuatilia mada mada za mafunzo ya e-Watumishi kwa Watumishi wa Umma yaliyofanyika Novemba 13, 2026 jijini Dodoma

Wakuu wa Idara za Utumishi na Utawala, Wahasibu, Wakaguzi wa Ndani na Maafisa Utumishi na Utawala wakimsikiliza Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (hayupo pichani) wakati akifunga  mafunzo ya  Mfumo wa e-Watumishi jijini Dodoma

Mkurugenzi wa Idara ya Mipango Ofisi ya Rais, Menejimenti ya Utumishi wa Umma na Utawala Bora Bw. Cosmas Ngangaji (kushoto) kwa niaba ya Katibu Mkuu-UTUMISHI akimtunuku cheti cha ushiriki wa mafunzo ya e-Watumishi Afisa Utumishi kutoka halmashauri ya Wilaya ya Bukoba Bw. Francis Fusi (kulia) mara baada ya kuhitimisha mafunzo hayo jijini Dodoma
 

NAIBU WAZIRI MHE.QWARAY AAGIZA WATUMISHI WAPYA KUPATIWA MAFUNZO NDANI YA MIEZI MITATU

 

 Na Lusungu Helela, Manyara

 Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina  Qwaray, amewaagiza waajiri katika taasisi za umma kuhakikisha watumishi wapya wanapatiwa mafunzo ya awali ndani ya miezi mitatu tangu kuajiriwa ili kuwawezesha kutekeleza majukumu yao kwa kuzingatia sheria, kanuni, taratibu na maadili ya Utumishi wa Umma.

 Mhe. Qwaray ametoa agizo hilo leo wakati wa kikao kazi cha kusikiliza na kujadili changamoto za watumishi wa umma katika Halmashauri ya Wilaya ya Kiteto, mkoani Manyara, ikiwa ni sehemu ya ziara zake za kikazi zinazolenga kuboresha utendaji katika Utumishi wa Umma.

 Amesema waajiri wanapaswa kutenga bajeti kwa ajili ya mafunzo hayo, sambamba na kutenga fedha za kujikimu kwa ajira mpya, uhamisho na stahiki nyingine za watumishi.

 “Watumishi wapya wapatiwe mafunzo ya awali ndani ya miezi mitatu tangu kuajiriwa, na waajiri watenge bajeti kwa ajili ya mafunzo hayo,” amesema Mhe. Qwaray.

 Agizo hilo linatolewa wakati Serikali ikiendelea kuongeza idadi ya watumishi katika taasisi za umma ili kupunguza mzigo wa kazi na kuongeza ufanisi katika utoaji wa huduma kwa wananchi.

 Mhe. Qwaray amesema Serikali imeajiri watumishi 62,975 katika mwaka wa fedha 2025/2026 na inapanga kuajiri watumishi wengine 45,000 katika mwaka wa fedha 2026/2027.

 Aidha, amezitaka mamlaka za ajira na nidhamu kusimamia haki na wajibu wa watumishi kwa kuzingatia sheria, kanuni na taratibu za Utumishi wa Umma, huku akisisitiza umuhimu wa kuachana na utendaji wa mazoea.

 Akizungumzia maadili ya Utumishi wa Umma, Mhe. Qwaray amewataka watumishi kuyafahamu na kuyatekeleza maadili yanayoongoza utendaji wao, ikiwemo kutoa huduma bora, kufanya kazi kwa uadilifu, kuheshimu sheria na kutoa huduma bila upendeleo.

 

 Amesema mamlaka husika zinapaswa kuchukua hatua za kinidhamu kwa wakati dhidi ya watumishi wanaokiuka maadili au kutotekeleza majukumu yao ipasavyo.

 Katika hatua nyingine, Mhe. Qwaray amewaagiza waajiri kushughulikia kwa wakati stahiki za watumishi, ikiwemo upandishaji vyeo, uhamisho, malimbikizo ya mishahara na mafao.

 Vilevile, amewataka waajiri na mamlaka za ajira na nidhamu kushirikiana na Tume ya Utumishi wa Umma katika ukaguzi wa utekelezaji wa sheria, kanuni na taratibu za kiutumishi, pamoja na kurekebisha mapungufu yatakayobainika.

 

 Kwa upande wake, Mkurugenzi Mtendaji wa Halmashauri ya Wilaya ya Kiteto, Bi. Hawa Hassan, amesema mafunzo ya awali kwa watumishi wapya ni miongoni mwa vipaumbele vya halmashauri hiyo kutokana na mazingira ya kijiografia ya wilaya hiyo.

 Bi. Hassan amesema halmashauri imeweka utaratibu wa kuwapatia mafunzo watumishi wapya, ikiwemo kuwaandaa kisaikolojia  kutokana na changamoto za mazingira ya wilaya hiyo.

 

 

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina  Qwaray, akizungumza na watumishi wa umma wakati wa kikao kazi cha kusikiliza na kujadili changamoto za kiutumishi katika Halmashauri ya Wilaya ya Kiteto, mkoani Manyara.

 

 

Mkurugenzi Mtendaji wa Halmashauri ya Wilaya ya Kiteto, Bi, Hawa Hassan akizungumza wakati wa kikao kazi cha Naibu Waziri, Ofisi ya Rais – Utumishi na Utawala Bora, Mhe. Regina Qwaray, na watumishi wa umma wa halmashauri hiyo, mkoani Manyara.

 

Baadhi  ya watumishi wa umma wa Halmashauri ya Wilaya ya Kiteto, mkoani Manyara, wakimsikiliza Naibu Waziri, Ofisi ya Rais – Utumishi na Utawala Bora, Mhe. Regina  Qwaray, wakati wa kikao kazi kilicholenga kusikiliza changamoto za kiutumishi na kujadili namna ya kuboresha utendaji kazi.

 

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina  Qwaray, akiandika maoni na changamoto zilizowasilishwa na watumishi wa umma wakati wa kikao kazi katika Halmashauri ya Wilaya ya Kiteto, mkoani Manyara.

Mmoja wa watumishi wa umma wa Halmashauri ya Wilaya ya Kiteto, mkoani Manyara, akiwasilisha hoja yake wakati wa kikao kazi cha kusikiliza na kujadili changamoto za kiutumishi kilichoongozwa na Naibu Waziri, Ofisi ya Rais – Utumishi na Utawala Bora, Mhe.  Qwaray.

 

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray, akiwa katika picha ya pamoja na viongozi pamoja na watumishi wa umma wa Halmashauri ya Wilaya ya Kiteto, mkoani Manyara, baada ya kikao kazi cha kusikiliza na kujadili changamoto za kiutumishi.

 

 

NAIBU WAZIRI MHE. REGINA QWARAY AKIWA KWENYE KIKAO KAZI NA WATUMISHI WA KITETO