Ofisi ya Rais-UTUMISHI

Saturday, October 31, 2026

RAIS MHE. DKT. SAMIA SULUHU HASSAN AZINDUA MAJENGO YA SERIKALI MTUMBA, ASISITIZA HUDUMA KWA TEHAMA

Na Lusungu Helela, Dodoma

Rais wa Jamhuri ya Muungano wa Tanzania, Mhe. Dkt. Samia Suluhu Hassan, amewataka watumishi wa umma kuhakikisha wananchi wanapata huduma za Serikali popote walipo kwa kutumia mifumo ya Teknolojia ya Habari na Mawasiliano (TEHAMA), badala ya kulazimika kusafiri hadi Mji wa Serikali Mtumba, jijini Dodoma.

Rais Mhe. Samia ametoa agizo hilo leo, Ijumaa Oktoba 30, 2026, wakati wa uzinduzi wa Mji wa Serikali Mtumba, ambapo akiwa na Rais wa Jamhuri ya Angola, João Manuel Gonçalves Lourenço, amekata utepe katika jengo la Ofisi ya Rais, Menejimenti ya Utumishi wa Umma na Utawala Bora, kuashiria ufunguzi wa majengo yote ya ofisi za wizara na taasisi za Serikali yaliyojengwa katika mji huo.

Amesema kukamilika kwa majengo hayo hakumaanishi wananchi wote wanapaswa kusafiri hadi Mtumba kupata huduma, bali taasisi za Serikali zinapaswa kutumia mifumo ya TEHAMA kurahisisha utoaji wa huduma katika maeneo mbalimbali nchini.

Amesisitiza umuhimu wa mifumo ya TEHAMA inayotumiwa na taasisi za Serikali kuweza kubadilishana taarifa ili kuwaondolea wananchi usumbufu wa kuwasilisha taarifa zilezile katika ofisi tofauti.

"Mwananchi hatakiwi kupeleka taarifa ileile aliyopeleka katika moja ya ofisi za Serikali. Ndiyo maana mara nyingi nimekuwa nikisisitiza mifumo ya TEHAMA ni lazima isomane ili kuwaondolea usumbufu wananchi wanapohitaji huduma katika ofisi za Serikali," amesema Rais Mhe. Dkt. Samia Suluhu Hassan.

Akizungumzia jengo la Ofisi ya Rais, Menejimenti ya Utumishi wa Umma na Utawala Bora, ambalo limetumika kuashiria ufunguzi wa majengo yote ya Serikali Mtumba, Rais Samia amesema amepata fursa ya kutembelea ndani ya jengo hilo na kujionea mifumo ya TEHAMA iliyowekwa kwa ajili ya kurahisisha utoaji wa huduma kwa wananchi.

Ameeleza matumaini yake kuwa majengo mengine ya wizara na taasisi za Serikali katika Mji wa Serikali Mtumba pia yamewekewa mifumo inayowezesha wananchi kupata huduma kwa urahisi.

Aidha, amewataka watumishi wa umma kuyatunza majengo ya Serikali yaliyojengwa Mtumba ili yadumu na kuendelea kutumika kwa manufaa ya wananchi.

Uzinduzi huo umehusisha pia barabara za Mji wa Serikali Mtumba, ikiwa ni sehemu ya shughuli zilizofanyika katika hafla hiyo jijini Dodoma.

3. Rais wa Jamhuri ya Muungano wa Tanzania, Mhe. Dkt. Samia Suluhu Hassan akikata utepe pamoja na mgeni wake Rais wa Jamhuri ya Angola, Mhe. João Manuel Conçalves Lourenço, kuashiria ufunguzi wa majengo yote ya ofisi za wizara na taasisi katika Mji wa Serikali Mtumba Jijini Dodoma, tarehe 30 Oktoba, 2026

Rais wa Jamhuri ya Muungano wa Tanzania, Mhe.Dkt. Samia Suluhu Hassan akiwa na mgeni wake Rais wa Jamhuri ya Angola, Mhe. João Manuel Conçalves Lourenço wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete wakati akitoa maelezo kuhusiana na jengo la Ofisi ya Rais, Menejimenti ya Utumishi wa Umma na Utawala Bora mara baada ya Rais Mhe. Samia Suluhu Hassan na mgeni wake wakiwa pamoja na viongozi wengine kukata utepe kuashiria ufunguzi wa majengo yote ya ofisi za wizara na taasisi katika Mji wa Serikali Mtumba Jijini Dodoma, tarehe 30 Oktoba, 2026.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akivuta kitambaa pamoja na mgeni wake Rais wa Jamhuri ya Angola, Mhe. João Manuel Conçalves Lourenço, kuashiria ufunguzi wa majengo yote ya ofisi za wizara na taasisi katika Mji wa Serikali Mtumba Jijini Dodoma, tarehe 30 Oktoba, 2026.

1. Rais wa Jamhuri ya Muungano wa Tanzania, Mhe. Dkt. SamiaSuluhu Hassan, akikata utepe pamoja na mgeni wake, Rais wa Jamhuri ya Angola Mhe. João Manuel Conçalves Lourenço kuashiria ufunguzi wa barabara za lami katika Mji wa Serikali Mtumba Jijini Dodoma, tarehe 30 Oktoba, 2026.

Monday, October 26, 2026

BI. LWANGILI AWATAKA WATUMISHI KUJITATHMINI KUIMARISHA MAHUSIANO NA UFANISI KAZINI

Na. Antonia Mbwambo-Dodoma

Tarehe 26 Oktoba, 2026

Naibu Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bi. Prisca Lwangili, amewataka watumishi wa Ofisi hiyo kujitathmini, kujitambua na kuelewa haiba za wenzao ili kuimarisha mahusiano na ushirikiano kazini kwa lengo la kuongeza ufanisi katika utekelezaji wa majukumu yao.

Bi. Lwangili ameyasema hayo leo, Oktoba 26, 2026, wakati akihitimisha mafunzo kuhusu Haiba kwa watumishi wa Ofisi hiyo, yaliyofanyika katika eneo maalumu la Ofisi hiyo, Mji wa Serikali Mtumba jijini Dodoma.

“Ni muhimu kwa kila mtumishi kujitathmini na kujifunza tabia za wengine ili kujenga mahusiano mazuri kazini, kuimarisha ushirikiano na kuongeza ufanisi katika utekelezaji wa majukumu,” amesema Bi. Lwangili.

Amesisitiza kuwa kujitambua na kuelewa haiba za wengine husaidia kurahisisha mawasiliano, kupunguza migogoro na kujenga mazingira bora ya kazi yanayozingatia kuheshimiana na kushirikiana.

Kwa upande wake, mwezeshaji ambaye ni Afisa kutoka Idara ya Usimamizi wa Utendajikazi, Ofisi ya Rais, Menejimenti ya Utumishi wa Umma na Utawala Bora, Bw. Oswin Mkinga, amesema haiba ya mtumishi hujidhihirisha kupitia tabia, mwenendo, nidhamu, uadilifu, mawasiliano na namna anavyohusiana na wengine.

Aidha, amesisitiza umuhimu wa watumishi kujitambua, kudhibiti hisia na kuheshimu maoni ya wengine ili kuimarisha mahusiano kazini, kuongeza ufanisi na kuboresha huduma kwa wananchi.

Naibu Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bi. Prisca Lwangili akizungumza na watumishi wa Ofisi hiyo wakati akihitimisha mafunzo kuhusu haiba yaliyotolewa na Afisa kutoka Idara ya Usimamizi wa Utendajikazi Bw. Oswin Mkinga Oktoba, 26, 2026 jijini Dodoma

Baadhi ya wakurugenzi na watumishi kutoka Ofisi ya Rais,Menejimenti ya Utumishi wa Umma na Utawala Bora wakifurahia jambo wakati wa mafunzo ya uelewa kuhusu haiba, yaliyotolewa na Afisa kutoka Idara ya Usimamizi wa Utendajikazi Bw. Oswin Mkinga kwa watumishi wa Ofisi hiyo, Oktoba 26, 2026 Mtumba Jijini Dodoma

Afisa kutoka Idara ya Usimamizi wa Utendajikazi, Ofisi ya Rais, Menejimenti ya Utumishi wa Umma na Utawala Bora, Bw. Oswin Mkinga, akitoa mafunzo kuhusu haiba kwa watumishi wa Ofisi hiyo Oktoba 26,2026 katika eneo maalum la ofisi hiyo Mtumba Jijini Dodoma

Watumishi kutoka Ofisi ya Rais, Menejimenti ya Utumishi wa Umma na Utawala Bora, wakifuatilia mafunzo ya uelewa kuhusu haiba, yaliyotolewa na Afisa Idara ya Usimamizi wa Utendajikazi wa Ofisi hiyo Bw. Oswin Mkinga Oktoba 26, 2026 Mtumba jijini Dodoma

Naibu Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bi. Prisca Lwangili (wa pili kutoka kulia) akifurahia jambo wakati wa mafunzo ya uelewa kuhusu haiba, yaliyotolewa na Afisa kutoka Idara ya Usimamizi wa Utendajikazi Bw. Oswin Mkinga kwa watumishi wa Ofisi hiyo, Oktoba 26, 2026 Mtumba Jijini Dodoma.Wengine ni Wakurugenzi na Watumishi wa Ofisi hiyo.

Baadhi ya wakurugenzi kutoka Ofisi ya Rais,Menejimenti ya Utumishi wa Umma na Utawala Bora, wakimsikiliza Naibu Katibu Mkuu wa Ofisi hiyo, Bi. Prisca Lwangili (hayupo pichani) wakati akihitimisha mada kuhusu Haiba yaliyotolewa na Afisa kutoka Idara ya Usimamizi wa Utendajikazi Bw. Oswin Mkinga Oktoba, 26, 2026 jijini Dodoma

Watumishi kutoka Ofisi ya Rais, Menejimenti ya Utumishi wa Umma na Utawala Bora, wakifurahia jambo wakati wa mafunzo ya uelewa kuhusu haiba yaliyofanyika Oktoba 26, 2026 katika eneo maalumu la Ofisi hiyo Mtumba jijini Dodoma

Baadhi ya wakurugenzi na watumishi kutoka Ofisi ya Rais,Menejimenti ya Utumishi wa Umma na Utawala Bora, wakimsikiliza Naibu Katibu Mkuu wa Ofisi hiyo, Bi. Prisca Lwangili (hayupo pichani) wakati akihitimisha mada kuhusu Haiba yaliyotolewa na Afisa kutoka Idara ya Usimamizi wa Utendajikazi Bw. Oswin Mkinga Oktoba, 26, 2026 Mtumba jijini Dodoma

Mkurugenzi Msaidizi, Idara ya Utawala na Usimamizi wa Rasilimaliwatu, Ofisi ya Rais, Menejimenti ya Utumishi wa Umma na Utawala Bora Bi. Nyasinde Mukono akifafanua jambo wakati wa mafunzo ya uelewa kuhusu haiba yaliyofanyika Oktoba 26, 2026 katika eneo maalumu la Ofisi hiyo Mtumba jijini Dodoma

Friday, October 23, 2026

NAIBU WAZIRI QWARAY ASISITIZA MATUMIZI YA MFUMO WA E-UHAMISHO

Na Veronica Mwafisi-Lindi na Mtama

Tarehe 23 Oktoba, 2026

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray amesema Serikali imeendelea kuimarisha mifumo ya kidijitali ili kuongeza uwazi, uwajibikaji, ufanisi na ubora wa huduma hiyo hivyo, Watumishi wa Umma wahakikishe katika maombi yao wanatumia Mfumo wa e-Uhamisho badala ya kuendelea kutegemea taratibu zinazoweza kusababisha urasimu na ucheleweshaji.

Naibu Waziri Qwaray amesema hayo leo katika Halmashauri ya Manispaa ya Lindi na Halmashauri ya Wilaya ya Mtama kwa nyakati tofauti alipokuwa akizungumza na Watumishi wa Umma wa maeneo hayo wakati wa ziara yake ya kikazi iliyolenga kusikiliza changamoto zinazowakabili Watumishi hao na kujadili namna bora ya kuimarisha utendaji.

Mhe. Qwaray amesema kuwa, maombi ya nakala ngumu yanayotumwa kwa Katibu Mkuu (UTUMISHI) hayatapokelewa badala yake njia sahihi ni kutumia mfumo huo wa e-Uhamisho.

Ameongeza kuwa, waajiri na wasimamizi wapitie maombi na kutoa maoni kwa mujibu wa utaratibu uliowekwa ili kufanyia kazi kwa wakati kwani, maombi ya uhamisho kwa njia ya mfumo yana muda wa kukaa katika ofisi na yasipopitishwa ndani ya muda husika maombi hayo yataenda katika hatua inayofuata.

”Nitoe wito kwa waajiri na wasimamizi kupitia maombi na kutoa maoni kwa wakati kwani uhamisho kwa njia ya mfumo yana muda wake, kwa mkuu wa Taasisi ni siku 10, kwa msimamizi ni siku 4 na kwa mkuu wa Idara ni siku 3 yasipopitishwa kwa muda husika maombi haya yataenda katika hatua nyingine”, amesema Mhe. Qwaray

Akihitimisha hotuba yake Mhe, Qwaray amewataka Watumishi wa Umma wa Halmashauri ya Manispaa ya Lindi na Halmashauri ya Wilaya ya Mtama kufanya kazi kwa bidii, kusimamia maadili na kuzingatia maslahi ya umma kwa lengo la kujenga imani ya Wananchi katika taasisi husika kwa ustawi wa Taifa.

Kwa upande wake Mkuu wa Wilaya ya Lindi, Mhe. Victoria Mwanziva akitoa maelezo ya awali kabla ya kumkaribisha Naibu Waziri, Mhe. Qwaray amesema Wilaya ya Lindi inamshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa kupeleka fedha nyingi ambazo zimesaidia katika utekelezaji wa miradi mbalimbali jambo ambalo linawapa ari Watumishi wa Umma ya kufanya kazi kwa moyo, upendo na kujituma.

Naye, Katibu Tawala Msaidizi, Utawala na Rasilimaliwatu-Lindi, Bw. Natalis Linuma amemshukuru Naibu Waziri, Mhe. Regina Qwaray kwa kufanya ziara katika Mkoa huo na kuahidi watatekeleza na kufanyia kazi maelekezo yote ambayo yametolewa kwa ajili ya kuboresha utendaji kazi.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akizungumza na Watumishi wa Umma na kusikiliza kero na changamoto zao wakati wa kikao kilichofanyika kwenye Ukumbi wa Mikutano wa Mkuu wa Mkoa wa Lindi katika Halmashauri ya Manispaa ya Lindi.

Sehemu ya Watumishi wa Umma kutoka Halmashauri ya Manispaa ya Lindi wakimsikiliza Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akizungumza nao wakati wa kikao kilichofanyika katika Ukumbi wa Mikutano wa Mkuu wa Mkoa wa Lindi katika Halmashauri hiyo kilicholenga kusikiliza kero na changamoto zao.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray (kushoto) akisikiliza hoja na changamoto zilizokuwa zikiwasilishwa na Watumishi wa Halmashauri ya Manispaa ya Lindi wakati wa kikao kilichofanyika katika Ukumbi wa Mikutano wa Mkuu wa Mkoa wa Lindi kilicholenga kusikiliza kero na changamoto zao. Kulia ni Mkuu wa Wilaya ya Lindi, Mhe. Victoria Mwanziva

Afisa Muuguzi, Halmashauri ya Manispaa ya Lindi, Bw, Paschal Petro akiwasilisha hoja kwa Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akisikiliza kero na changamoto zao wakati wa kikao kilichofanyika katika Ukumbi wa Mikutano wa Mkuu wa Mkoa wa Lindi

Sehemu ya Watumishi wa Umma kutoka Halmashauri ya Wilaya ya Mtama wakimsikiliza Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akizungumza nao wakati wa kikao kilichofanyika katika Ukumbi wa Halmashauri hiyo kilicholenga kusikiliza kero na changamoto zao.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akifurahia jambo wakati wa kikao chake na Watumishi wa Umma wa Halmashauri ya Wilaya ya Mtama (hawapo pichani) kilichofanyika katika Ukumbi wa Halmashauri hiyo kwa lengo la kusikiliza kero na changamoto za Watumishi hao.

Afisa Elimu kutoka Shule Maalum, Halmashauri ya Wilaya ya Mtama, Bw. Hassan Nungu akiwasilisha hoja kwa Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akisikiliza kero na changamoto zao wakati wa kikao kilichofanyika katika Ukumbi wa Halmashauri hiyo.

Mkuu wa Wilaya ya Lindi, Mhe. Victoria Mwanziva (aliyesimama) akitoa maelezo ya awali kabla ya kumkaribisha Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray (wa kwanza kulia) kuzungumza na Watumishi wa Umma wa Halmashauri ya Manispaa ya Lindi

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray (katikati) akifuatilia hoja mbalimbali zilizokuwa zikiwasilishwa na Watumishi wa Umma wa Halmashauri ya Manispaa ya Lindi wakati wa kikao chake na Watumishi wa Umma hao kilicholenga kusikiliza kero na changamoto za Watumishi hao. Wa kwanza kulia ni Mkuu wa Wilaya ya Lindi, Mhe. Victoria Mwanziva na wa kwanza kushoto ni Katibu Tawala Mkoa wa Lindi, Bi. Zuwena Omari.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akitazama nyaraka zake kabla ya kuzungumza na Watumishi wa Umma wa Halmashauri ya Wilaya ya Mtama wakati wa kikao chake na Watumishi hao kilicholenga kusikiliza kero na changamoto zao.

Sehemu ya Watumishi wa Umma kutoka Halmashauri ya Wilaya ya Mtama wakifurahia jambo wakati Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akizungumza nao kwenye kikao kilichofanyika katika Ukumbi wa Halmashauri hiyo kilicholenga kusikiliza kero na changamoto zao.

Watendaji wa Halmashauri ya Manispaa ya Lindi wakifuatilia hotuba ya Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray (hayupo pichani) wakati Naibu waziri huyo alipokuwa akizungumza nao kwenye kikao kilichofanyika katika Ukumbi wa Halmashauri ya Manispaa hiyo kwa lengo la kusikiliza kero na changamoto zao.

Afisa Mtendaji wa Kata, Halmashauri ya Wilaya ya Mtama , Bw. Msafiri Wanje akiwasilisha hoja kwa Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akisikiliza kero na changamoto zao wakati wa kikao kilichofanyika katika Ukumbi wa Halmashauri hiyo.

Afisa Mifugo Mwandamizi, Halmashauri ya Manispaa ya Lindi, Bw. Gilya Ngwesa akiwasilisha hoja kwa Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray alipokuwa akisikiliza kero na changamoto zao wakati wa kikao kilichofanyika katika Ukumbi wa Mikutano wa Mkuu wa Mkoa wa Lindi.

Katibu Tawala Msaidizi, Utawala na Rasilimaliwatu-Lindi, Bw. Natalis Linuma akitoa neno la shukrani kwa Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray (hayupo pichani) mara baada ya Naibu Waziri huyo kuhitimisha ziara yake ya kikazi Mkoani Lindi iliyolenga kusikiliza kero na changamoto za Watumishi wa Halmashauri ya Wilaya ya Kilwa, Halmashauri ya Manispaa ya Lindi na Halmashauri ya Wilaya ya Mtama.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akiwa katika picha ya pamoja na Kamati ya Ulinzi na Usalama ya Halmashauri ya Manispaa ya Lindi mara baada ya kuhitimisha kikao kilichofanyika katika Ukumbi wa Mikutano wa Mkuu wa Mkoa wa Lindi kilicholenga kusikiliza kero na changamoto za Watumishi wa Umma.

Katibu wa Naibu Waziri, Ofisi ya Rais-UTUMISHI na Utawala Bora, Bw. Faraja Maulidi akifuatilia jambo wakati wa kikao kazi cha Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray na Watumishi wa Umma wa Halmashauri ya Manipaa ya Lindi kilichofanyika katika Ukumbi wa Mikutano wa Mkuu wa Mkoa wa Lindi kilicholenga kusikiliza kero na changamoto za Watumishi hao.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akipokea salamu kutoka kwa Kamati ya Ulinzi na Usalama ya Halmashauri ya Manispaa ya Lindi mara baada ya kuwasili katika ofisi ya Mkuu wa Mkoa wa Lindi kwa lengo la kufanya kikao cha kusikiliza kero na changamoto za Watumishi wa Umma.