SERIKALI KUCHUKUA HATUA KWA WATUMISHI WA UMMA WANAOKIUKA MAADILI

Na. Lusungu Helela - Dodoma 

 Serikali imesema itaendelea kuchukua hatua dhidi ya watumishi wa umma wanaothibitika kukiuka maadili ya utumishi wa umma  huku  ikiahidi kuwekeza zaidi katika matumizi ya TEHAMA ili kudhibiti vitendo vya ukiukwaji wa Maadili

 Katibu Mkuu, UTUMISHI, Bw.Juma Mkomi  ametoa kauli hiyo leo  jijini Dodoma wakati akifunga Kikao kazi cha kubadilishana  uzoefu  wa masuala ya Maadili na Utawala Bora  baina ya Taasisi  Simamizi  za Maadili ya Utendaji na Mamlaka Simamizi za Maadili ya Kitaaluma.

 Amesema watumishi wala rushwa na walevi na wenye tabia na mienendo isiyofaa kwenye jamii  haitawafumbia macho

‘’Hivi karibuni nimewahamisha watumishi wanne kutoka wizara fulani  wanaotuhumiwa kushiriki mapenzi ya jinsia moja.

‘’ Kuna baadhi ya  watumishi wanalala baa na asubuhi wanakwenda kazini wakiwa wachovu na hawajapiga mswaki na hivyo kuwapa shida wananchi wanapowahudumia’’ ameng’aka  Katibu Mkuu Mkomi

 Amesema dhana ya utumishi wa umma ni maadili na bila maadili hakuna utumishi wa umma hivyo Serikali itaendelea kufanya tahtmini kwa kina kuhusu tabia na mienendo ya watumishi wa umma  wakati wote.

 Kufuatia hatua hiyo Mkomi amesema   watumishi wapya watakaokuwa wakiajiriwa  wataanza  kufanyiwa upekuzi wa kutosha   kuhusu tabia na mienendo yao kulingana na majukumu na miiko ya taaluma zao ili kuwa na utumishi wenye taswira nzuri

 Katika hatua nyingine Mkomi amewataka Waajiri  kuimarisha mifumo madhubuti na taratibu za kuwalinda watoa taarifa juu ya vitendo vya ukiukwaji wa maadili na rushwa mahali pa kazi

Amesema kumeibuka tabia za baadhi ya waajiri kushindwa kuwalinda watoa taarifa pindi mnapoletewa taarifa ya vitendo vya ukiukwaji maadili, hii sio sawa walindeni hao ni watu muhimu

Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bw. Juma Mkomi  akizungumza  wakati akifunga Kikao kazi cha kubadilisha uzoefu  wa masuala ya Maadili na Utawala Bora  baina ya Taasisi  Simamizi  za Maadili ya Utendaji na Mamlaka Simamizi za Maadili ya Kitaaluma kilichofanyika  kwa muda wa siku mbili jijini Dodoma.

 

Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bw. Juma Mkomi akiwa katika picha ya pamoja na Wakurugenzi wa Ofisi ya Rais, Menejimenti ya Utumishi wa Umma na Utawala Bora mara baada ya kufunga kikao kazi cha kubadilishana uzoefu kuhusu masuala ya maadili na utawala bora baina ya Taasisi Simamizi za Maadili ya Utendaji na Mamlaka Simamizi za Maadili ya Kitaluma, kinachofanyika kwa siku mbili  jijini Dodoma.

Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bw. Juma Mkomi akiwa na  Wataalamu  wa Taasisi Simamizi za Maadili katika picha ya pamoja na mara baada ya kufunga kikao kazi cha kubadilishana uzoefu kuhusu masuala ya maadili na utawala bora baina ya Taasisi Simamizi za Maadili ya Utendaji na Mamlaka Simamizi za Maadili ya Kitaluma, kinachofanyika kwa siku mbili  jijini Dodoma.

Sehemu ya washiriki wakimsikiliza Naibu Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bw.Juma Mkomi , wakati akifunga kikao kazi cha kubadilishana uzoefu kuhusu masuala ya maadili na utawala bora baina ya Taasisi Simamizi za Maadili ya Utendaji na Mamlaka Simamizi za Maadili ya Kitaluma, kinachofanyika  kwa muda wasiku mbili  jijini Dodoma.

Mkurugenzi Idara ya Usimamizi wa Maadili,BiLeila Mavika akizungumza wakati akifunga  kikao kazi cha kubadilishana uzoefu kuhusu masuala ya maadili na utawala bora baina ya Taasisi Simamizi za Maadili ya Utendaji na Mamlaka Simamizi za Maadili ya Kitaluma, kinachofanyika kwa muda wa  siku mbili  jijini Dodoma

Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bw. Juma Mkomi akiwa ameongozana na baadhi ya Wakurugenzi wa Ofisi ya Rais, Menejimenti ya Utumishi wa Umma na Utawala Bora wakati akiwasili kwa ajili ya kufunga kikao kazi cha kubadilishana uzoefu kuhusu masuala ya maadili na utawala bora baina ya Taasisi Simamizi za Maadili ya Utendaji na Mamlaka Simamizi za Maadili ya Kitaluma, kilichofanyika kwa siku mbili  jijini Dodoma.

Katibu Mkuu, Ofisi ya Rais, Menejimenti ya Utumishi wa Umma na Utawala Bora, Bw. Juma Mkomi akisalimiana  na baadhi ya Wakurugenzi wa Ofisi ya Rais, Menejimenti ya Utumishi wa Umma na Utawala Bora wakati akiwasili kwa ajili ya kufunga kikao kazi cha kubadilishana uzoefu kuhusu masuala ya maadili na utawala bora baina ya Taasisi Simamizi za Maadili ya Utendaji na Mamlaka Simamizi za Maadili ya Kitaluma, kilichofanyika kwa siku mbili  jijini Dodoma.