KAMATI YA KUDUMU YA BUNGE YA UTAWALA, KATIBA NA SHERIA YARIDHISHWA NA UTEKELEZAJI MRADI WA UJENZI WA MAKAZI KWA WATUMISHI WA UMMA

 Na. Veronica Mwafisi-Dodoma

Tarehe 15 Oktoba, 2026

Kamati ya Kudumu ya Bunge ya Utawala, Katiba na Sheria imeipongeza Ofisi ya Rais, Menejimenti ya Utumishi wa Umma na Utawala Bora kupitia taasisi yake ya Watumishi Housing Investments (WHI) baada ya kuridhishwa na utekelezaji wa miradi ya ujenzi ya makazi kwa Watumishi wa Umma nchini.

Akitoa pongezi hizo kwa niaba ya Kamati hiyo mara baada ya kuhitimisha ziara ya kukagua mradi wa ujenzi wa nyumba za watumishi eneo la Njedengwa na Mlezi jijini Dodoma leo, Makamu Mwenyekiti wa Kamati hiyo, Mhe. Edwin Swalle amesema ujenzi wa nyumba hizo unaakisi maono ya Rais wa Jamhuri ya Muungano wa Tanzania, Mhe. Dkt. Samia Suluhu Hassan ya kupeleka tabasamu kwa Watumishi wa Umma kwa kuwa na uhakika wa makazi.

“Kwa niaba ya Kamati hii, nitoe pongezi kwa Ofisi ya Rais Menejimenti ya Utumishi wa Umma na Utawala Bora kupitia WHI, nyumba 1500 zilizojengwa kwa ajili ya Watumishi wa Umma nchi nzima zitasaidia kupunguza changamoto ya makazi kwa Watumishi wa Umma katika maeneo mengi nchini, kwa hakika mnafanya kazi nzuri ya kumwakilisha Mhe. Rais kwa kupeleka tabasamu kwa Watumishi wa Umma ili kuwawezesha kutoa huduma bora kwa wananchi.” Amesema Mhe. Swalle.

Aidha, Mhe. Swalle ameuelekeza uongozi wa WHI kuangalia namna ya kupata benki ya ardhi katika maeneo mengi ili wajenge nyumba nyingi zaidi kwani watumishi wengi wana changamoto ya makazi jambo ambalo hutishia watumishi hao kutaka kuhama.

“Watumishi wanaongezeka lakini ardhi haiongezeki, nashauri Ofisi iweke kipaumbele kutafuta benki ya ardhi maeneo mbalimbali ili muwe na uhakika wa kufanya miradi maeneo mbalimbali kutokana na uhitaji mkubwa wa nyumba za watumishi.” Amesisitiza.

Kwa upande wake Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete amesema lengo la mradi huo ni kuongeza chachu ya utendaji kazi kwa Watumishi wa Umma.

Amesema, WHI imeweka utaratibu wa namna ya kulipa fedha kwa wanaonunua nyumba hizo ili kuwapunguzia mzigo wa kulipa fedha nyingi kwa mkupuo kwa kuzingatia uwezo wao wa kifedha. 

Katika hatua nyingine, Mhe. Ridhiwani amesema, Taasisi hiyo ya WHI imeanzisha dirisha la e-wekeza kwenye mfumo wa Watumishi Portal ambalo linawawezesha Watumishi wa Umma kuwekeza katika Mfuko wa Faida (Faida Fund) kupitia makato ya hiari ya mshahara kila mwezi.

Mhe. Kikwete amesema, hatua hiyo imelenga kuwawezesha Watumishi wa Umma kujenga tabia ya kuwekeza na kuongeza uwezo wao wa kununua nyumba kabla na baada ya kustaafu. “Hivyo, e-wekeza ni hatua ya nyongeza ya uwezeshaji wa kifedha, sambamba na njia za kumiliki nyumba zinazotolewa na WHI,” ameongeza.

Akitoa neno la shukrani kwa niaba ya Waziri Kikwete, Naibu Waziri Ofisi ya Rais Menejimenti ya Utumishi wa Umma na Utawala Bora, Mhe. Regina Qwaray aliwashukuru wajumbe wa kamati hiyo kwa ushirikiano, miongozo na maelekezo ambayo wamekuwa wakitoa mara zote ambayo yamewezesha utekelezaji wa majukumu ya Ofisi hiyo pamoja na taasisi zake kwa ufasaha

Kwa niaba ya Waziri wake, Mhe. Qwaray ameiahidi kamati hiyo kuyafanyia kazi maoni, ushauri na maelekezo yote waliyoyatoa ili kuboresha utendaji kazi wa Ofisi hiyo pamoja na taasisi zake.

Naye Mkurugenzi Mtendaji wa Watumishi Housing Investments (WHI), Bw. Sephania Solomon amesema fedha za ujenzi wa mradi wa Makazi kwa Watumishi wa Umma eneo la Njedengwa utakamilishwa kwa wakati kama ilivyopangwa kwa awamu hiyo ya kwanza ambapo zinatarajiwa kukamilika mwezi February 2027.

Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale (kulia) akizungumza mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (aliyenyoosha kidole) akifafanua jambo kwa Kamati ya Kudumu ya Bunge ya Utawala, Katiba na Sheria kuhusu utekelezaji mradi wa ujenzi wa makazi kwa Watumishi wa Umma eneo la Njedengwa unaotekelezwa na Watumishi Housing Investments (WHI) jijini Dodoma.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (kulia) akifafanua moja ya hoja iliyowasilishwa na Wajumbe wa Kamati ya Kudumu ya Bunge ya Utawala, Katiba na Sheria baada ya Kamati hiyo kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma. Kushoto ni Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale

Wajumbe wa Kamati ya Kudumu ya Bunge ya Utawala, Katiba na Sheria wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (hayupo pichani) alipokuwa akielezea utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete akitoa maelezo ya awali kabla ya kumkaribisha Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale kuzungumza na WViongozi na watendaji wa Watumishi Housing Investments (WHI) mara baada ya Kamati hiyo kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi jijini Dodoma.

Naibu Waziri. Ofisi ya Rais, Menejimenti ya Utumishi wa Umma na Utawala Bora, Mhe. Regina Qwaray akitoa neno la shukrani kwa Kamati ya Kudumu ya Bunge ya Utawala, Katiba na Sheria baada ya Kamati hiyo kutembelea na kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Naibu Katibu Mkuu, Ofisi ya Rais-UTUMISHI na Utawala Bora, Bi. Prisca Lwangili (kushoto) akiteta jambo na Mkurugenzi wa Idara ya Mipango wa Ofisi hiyo Bw. Cosmas Ngangaji (kulia) kabla ya Kamati ya Kudumu ya Bunge ya Utawala, Katiba na Sheria, kuwasili kwa ajili ya kukagua utekelezaji wa mradi wa ujenzi wa makazi kwa Watumishi wa Umma eneo la Njedengwa unaotekelezwa na Watumishi Housing Investments (WHI) jijini Dodoma.

Mkurugenzi Mtendaji wa Watumishi Housing Investments (WHI), Bw. Sephania Solomon (wa kwanza kulia) akisikiliza hoja mbalimbali zilizokuwa zikiwasilishwa na Wajumbe wa Kamati ya Kudumu ya Bunge ya Utawala, Katiba na Sheria mara baada ya Kamati hiyo kukagua utekelezaji wa mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Mjumbe wa Kamati ya Kuduma ya Bunge ya Utawala, Katiba na Sheria Mhe. Dkt. Oscar Kikoyo akiwasilisha hoja kwa Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete mara baada ya Kamati hiyo kukagua utekelezaji wa mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

 

Sehemu ya wajumbe wa Kamati ya Kudumu ya Bunge ya Utawala, Katiba na Sheria na Wakurugenzi wa Idara na Vitengo kutoka Ofisi ya Rais-UTUMISHI wakifuatilia hotuba ya Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale alipokuwa akizungumza mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Sehemu ya Wakurugenzi wa Idara na Vitengo kutoka Ofisi ya Rais-UTUMISHI wakifuatilia hotuba ya Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale alipokuwa akizungumza mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale (katikati) akifuatilia jambo mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma. Wengine ni Viongozi wa Ofisi ya Rais, Menejimenti ya Utumishi wa Umma na Utawala Bora.

Mkurugenzi Mtendaji wa Watumishi Housing Investments (WHI), Bw. Sephania Solomon (wa kwanza kushoto) akifafanua jambo kwa Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (wa pili kutoka kushoto) kabla ya Kamati ya Kudumu ya Bunge ya Utawala, Katiba na Sheria kuwasili katika eneo hilo kukagua utekelezaji mradi wa ujenzi wa makazi kwa Watumishi wa Umma Njedengwa. Wengine ni Viongozi wa Ofisi hiyo.

Mkurugenzi wa Kitengo cha Mawasiliano Serikalini, Ofisi ya Rais-UTUMISHI, Bi. Mary Mwakapenda akifuatilia jambo wakati Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale (hayupo pichani) alipokuwa akizungumza mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Sehemu ya Wakurugenzi wa Idara na Vitengo kutoka Ofisi ya Rais-UTUMISHI wakifuatilia hotuba ya Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale alipokuwa akizungumza mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Sehemu ya Wakurugenzi wa Idara na Vitengo kutoka Ofisi ya Rais-UTUMISHI wakifuatilia hotuba ya Makamu Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Edwin Swale alipokuwa akizungumza mara baada ya Kamati yake kukagua utekelezaji mradi wa ujenzi wa makazi kwa Watumishi wa Umma eneo la Njedengwa na Mlezi unaotekelezwa na Watumishi Housing Investments (WHI) jijini Dodoma.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete (aliyenyanyua mikono) akifafanua jambo kwa Kamati ya Kudumu ya Bunge ya Utawala, Katiba na Sheria kuhusu utekelezaji mradi wa ujenzi wa makazi kwa Watumishi wa Umma eneo la Njedengwa unaotekelezwa na Watumishi Housing Investments (WHI) jijini Dodoma.

Muonekano wa jengo la nyumba za Watumishi wa Umma lililopo eneo la Njedengwa mkoani Dodoma ambalo Wajumbe wa Kamati ya Kudumu ya Bunge ya Utawala, Katiba na Sheria walitembelea na kukagua utekelezaji wa mradi wa ujenzi huo.