SERIKALI YAWATAKA WATUMISHI WA UMMA KUWA NA MIENENDO INAYOKUBALIKA KATIKA UTUMISHI WA UMMA

 

Na Lusungu Helela-Dodoma

Serikali imewataka Watumishi wa Umma nchini  kuwa na mienendo inayokubalika  katika  utumishi wa umma kwa kutumia  madaraka waliyopewa kwa usahihi ili kuepukana  na mgongano wa maslahi  wanapokuwa kazini.

 

 Kaimu Mkurugenzi  Idara ya Usimamizi wa Maadili Bi. Janet Mishinga  amesema hayo leo Jumatatu Novemba  4, 2024 wakati akitoa mafunzo ya Kanuni ya Maadili ya Utendaji katika Utumishi wa Umma kwa  Watumishi wa  Ofisi ya Rais, Menejimenti ya Utumishi wa Umma na Utawala Bora Katika Ofisi zilizopo Mji wa Serikali, Mtumba  jijini Dodoma ambapo amesema kanuni hizo ni  muhimu kwa Watumishi wote kuzielewa.

 

Amesema endapo  Watumishi wa Umma watazielewa ipasavyo kanuni hizo wataweza  kutumia rasilimali  za Umma kwa manufaa ya Umma huku akitolea mifano ya rasilimali hizo ikiwa ni pamoja na   mitambo, simu  kompyuta  na  majengo 

 

Aidha, Bi. Mishinga amewataka Watumishi wa Umma  kuwatendea haki  wateja wote  bila kujali hadhi, jinsi, dini, umri, kabila au itikadi za kisiasa.

‘’ Tunatakiwa kutoa huduma bora  kwa wateja wetu kwa kuzingatia Sheria,  Taratibu na Kanuni na kamwe tujiepushe na upendeleo wa aina yeyote ile’’ amesisitiza Bi. Mishinga

Awali, Kaimu Mkurugenzi wa Utawala na Rasilimali Watu, Bw. Elibariki Kahungya  amesema mafunzo hayo ni muendelezo ambapo kila jumatatu ya wiki yatakuwa yakifanyika  lengo likiwa ni kujengeana uwezo kwa watumishi wote 

 

" Mafunzo haya ni muhimu kwa watumishi wote,  hivyo naomba tuzingatie muda ili yaweze kuanza kulingana na muda ambao tumejipangia ‘’ amesisitiza Bw. Kahungya

 

          Kaimu Mkurugenzi  Idara ya Usimamizi wa Maadili Bi. Janet Mishinga akizungumza na watumishi wa ofisi yake wakati wa mafunzo yaliyolenga kuwajengea uwezo watumishi hao katika masuala ya ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

     Sehemu ya watumishi wa Ofisi ya Rais-UTUMISHI na Utawala Bora wakimsikiliza Kaimu Mkurugenzi  Idara ya Usimamizi wa Maadili Bi. Janet Mishinga  (hayupo pichani) wakati akizungumza nao wakati wa mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

 

Sehemu ya Wakurugenzi wasaidizi na Watumishi wa Ofisi ya Rais-UTUMISHI na Utawala Bora wakimsikiliza Kaimu Mkurugenzi  Idara ya Usimamizi wa Maadili Bi. Janet Mishinga (hayupo pichani) wakati akizungumza nao kwenye mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

     Sehemu ya watumishi wa Ofisi ya Rais-UTUMISHI na Utawala Bora wakimsikiliza Kaimu Mkurugenzi  Idara ya Usimamizi wa Maadili Bi. Janet Mishinga   (hayupo pichani) wakati akizungumza nao wakati wa mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

 

     Sehemu ya watumishi wa Ofisi ya Rais-UTUMISHI na Utawala Bora wakimsikiliza Kaimu Mkurugenzi  Idara ya Usimamizi wa Maadili Bi. Janet Mishinga    (hayupo pichani) wakati akizungumza nao wakati wa mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

 

          

          

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

CHANGAMOTO ZA WATUMISHI WA UMMA ZITATULIWE ILI KUKUZA SEKTA YA UMMA KIUCHUMI NA KIJAMII

 Na. Veronica Mwafisi-Arusha

Tarehe 04 Novemba, 2024

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene amewaasa Mameneja Rasilimaliwatu katika Sekta ya Umma Afrika (APS-HRMNet) kuwa wabunifu katika kusimamia vizuri rasilimaliwatu ili kuondokana na changamoto mbalimbali za watumishi wa umma na kukuza sekta hiyo kiuchumi na kijamii ili kuleta maendeleo makubwa katika Bara la Afrika.

Mhe. Simbachawene ametoa kauli hiyo leo tarehe 04 Novemba, 2024 alipokuwa akitoa maelezo ya awali kabla ya kumkaribisha Waziri Mkuu wa Jamhuri ya Muungano wa Tanzania, Mhe. Kassim Majaliwa kufungua Mkutano wa 9 wa Mtandao wa Mameneja wa Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

“Mkutano huu wa Mtandao wa Mameneja Rasilimaliwatu umefanyika katika kipindi ambacho dunia ina changamoto mbalimbali hivyo niwaase mtumie fursa ya mijadala mtakayoiendesha na mawazo mtakayoyatoa kupitia maazimio na mapendekezo yalete mtazamo chanya katika kutoa majawabu yatakayosaidia kukuza sekta ya umma kiuchumi na kijamii.” Amesema Mhe. Simbachawene

Mhe. Simbachawene ameongeza kuwa, kupitia kaulimbiu ya mkutano huo inaonyesha ni kwa namna gani rasilimaliwatu katika utumishi wa umma ni nyenzo muhimu na ya thamani kubwa katika kila nchi ambapo Serikali huitumia kuwafikia wananchi wake katika kutoa huduma za kijamii na kiuchumi ili kukuza ustawi wa jamii husika.  

Aidha, Mhe. Simbachawene amewapongeza wawezeshaji wa Mkutano huo kwa mada mbalimbali walizozitoa kabla ya kufunguliwa kwa mkutano huo ambazo kwa asilimia kubwa zitasaidia kuleta mabadiliko katika utendaji kazi kupitia rasilimaliwatu zilizopo katika Bara la Afrika.

Kwa upande wake, Rais wa Mtandao wa Mameneja Rasilimaliwatu katika Sekta ya Umma Afrika (APS-HRMNet) ambaye pia ni Naibu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi, amesema kuwa katika mkutano huo wa 9 wajumbe watapata fursa ya kubadilishana uzoefu na utaalamu kwa lengo la kuwezesha nchi za Bara la Afrika kupiga hatua za kimaendeleo kwa kutumia mbinu za kisasa.

“Mtandao huu umeanzishwa kwa lengo la kujenga uwezo wa rasilimaliwatu yenye matokeo chanya katika kuhudumia wananchi Barani Afrika hivyo kupitia Mkutano huu tutapata fursa ya kubadilishana uzoefu na utaalamu ili kuzisaidia nchi zetu kujikwamua kiuchumi na kuleta maendeleo kwa mataifa.” Bw. Daudi amesema.  

Mkutano huo wa Mtandao wa Mameneja Rasilimaliwatu katika Sekta ya Umma Afrika (APS-HRMNet) uliofunguliwa na Waziri Mkuu Kassim Majaliwa kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan unatarajiwa kufanyika kwa muda wa  siku nne kuanzia leo tarehe 4 hadi 7 Novemba, 2024 katika Kituo cha Mikutano cha Kimataifa (AICC) jijini Arusha.

Kaulimbiu ya Mkutano huo ni ‘Utawala Stahimilivu na Ubunifu: Kukuza Sekta ya Umma ijayo kupitia Uongozi wa Rasilimaliwatu’.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akitoa neno la utangulizi kabla ya kumkaribisha Waziri Mkuu wa Jamhuri ya Muungano wa Tanzania, Mhe. Kassim Majaliwa kufungua Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Baadhi ya Washiriki wa Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) wakimsikiliza Waziri Mkuu wa Jamhuri ya Muungano wa Tanzania, Mhe. Kassim Majaliwa wakati wa ufunguzi wa Mkutano huo unaofanyika katika Kituo cha Mikutano cha Kimataifa Arusha (AICC).

Rais wa Mtandao wa Mameneja wa Rasilimaliwatu katika Sekta ya Umma Afrika (APS-HRMNet) ambaye pia ni Naibu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi akielezea malengo ya Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Waziri Mkuu wa Jamhuri ya Muungano wa Tanzania, Mhe. Kassim Majaliwa (Wa kwanza kushoto) akimsikiliza mtumishi wa Ofisi ya Rais, Menejimenti ya Utumishi wa Umma na Utawala Bora, Bw. Vincent Ngure wakati akielezea mifumo ya kuwezesha utekelezaji wa majukumu ya utumishi wa umma wakati wa Mkutano wa 9 wa Mtandao wa Mameneja  Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi (katikati) akiwa katika picha ya pamoja na sehemu ya washiriki wa mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Katibu Mkuu Kiongozi na Katibu wa Baraza la Mapinduzi Zanzibar Mhandisi Zena Ahmed Said akisalimiana na Makamu wa Rais wa Mtandao wa Mameneja Rasilimaliwatu katika Sekta ya Umma Afrika (APS-HRMNet) Bw. James Wasagami (Wa kwanza kulia) wakati alipowasili kushiriki kwenye ufunguzi wa Mkutano wa 9 wa mtandao huo unaofanyika katika Kituo cha Mikutano cha Kimataifa Arusha (AICC). Wa pili kutoka kulia ni Rais wa Mtandao huo (APS-HRMNet) ambaye pia ni Naibu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi na wa tatu kutoka kulia ni Katibu Mkuu, Ofisi ya Rais-UTUMISHI, Bw. Juma Mkomi.

Mtumishi wa Ofisi ya Rais, Menejimenti ya Utumishi wa Umma na Utawala Bora, Bi. Theresia Ngassa (kushoto) akigawa kablasha na kitambulisho kwa mmoja wa washiriki wa Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene (kulia) akiwa katika picha ya pamoja na Prof. Patrice Lumumba ambaye ni Msemaji Mkuu wa Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC). Wa kwanza kushoto ni Waziri wa Nchi Afisi ya Rais Katiba, Sheria Utumishi na Utawala Bora Zanzibar, Mhe. Haroun Ali Suleiman.

Maafisa kutoka Ofisi ya Rais, Menejimenti ya Utumishi wa Umma na Utawala Bora wakiwa katika picha ya pamoja tayari kwa kutoa huduma kwa washiriki wa Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Sehemu ya Wakurugenzi kutoka Ofisi ya Rais-UTUMISHI na Utawala Bora wakimsikiliza Waziri Mkuu wa Jamhuri ya Muungano wa Tanzania, Mhe. Kassim Majaliwa wakati wa Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet)  unaofanyika katika Kituo cha Mikutano cha Kimataifa Arusha (AICC).

Wakurugenzi Wasaidizi kutoka Ofisi ya Rais-UTUMISHI na Utawala Bora wakifuatilia usajili wa mshiriki wa Mkutano 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).

Rais wa Mtandao wa Mameneja Rasilimaliwatu katika Sekta ya Umma Afrika (APS-HRMNet) ambaye pia ni Naibu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi (kushoto) akizungumza jambo na Mkurugenzi wa Utawala na Usimamizi wa Rasilimaliwatu, Ofisi ya Rais-UTUMISHI na Utawala Bora, Bw. Musa Magufuli wakati wa Mkutano wa 9 wa Mtandao wa Mameneja Rasilimaliwatu katika Sekta ya Umma Afrika (APS-HRMNet) unaofanyika katika Kituo cha Mikutano cha Kimataifa Arusha (AICC).