MAKAMU WA PILI WA RAIS WA ZANZIBAR MHE. HEMED SULEIMAN ABDULLA AWATAKA MAAFISA KUKUMBUKUMBU NA NYARAKA KUTIMIZA WAJIBU WAO

Na. Lusungu Helela na Veronica Mwafisi

Tarehe 30 Oktoba, 2024 

Makamu wa Pili wa Rais wa Zanzibar, Mhe. Hemed Suleiman Abdulla amewataka Maofisa Kumbukumbu na Nyaraka kutimiza wajibu wao kwa kufanya kazi kwa kuzingatia Sheria, Taratibu na Kanuni huku akiwataka kutunza siri za Serikali kwa kutozitoa nje ya ofisi zao. 

Ametoa kauli hiyo leo Jumatano Oktoba 30, 2024 wakati akimwakilisha Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi katika Mkutano wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) unaofanyika kwa muda wa siku nne Jijini Dodoma

Amesema maofisa hao ni watu muhimu sana ikizingatiwa kuwa Serikali kila inapotaka kufanya maamuzi yeyote katika kutekeleza miradi mbalimbali ya maendeleo hurejea kwenye kumbukumbu na nyaraka zilizotunzwa.

‘‘Nimemsikiliza Mwenyekiti wenu ametaja changamoto mbalimbali zinazowakabili katika kutekeleza majukumu yenu, kutokana na unyeti wa kazi yenu napenda kuwaahidi kuwa tutaendelea kuzitatua kwa kadri ya uwezo wetu ili kuhakikisha mnatoa huduma bora katika maeneo yenu ya kazi.

Aidha, Mhe. Abdulla ameipongeza TRAMPA kwa kuendelea kubaki kwenye misingi ya uanzishwaji wake na hivyo kuwa msaada kwa wanachama hao katika kupaza sauti kwa Serikali juu ya changamoto zao ili ziweze kupatiwa suluhu. 

Kwa upande wake Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene amesema Serikali itaendelea kuajiri Maofisa Kumbukumbu na Nyaraka ili kupunguza changamoto ya upungufu wa maofisa hao.

Aidha, Mhe. Simbachawene amekitaka chama hicho kutumia fursa ya uwepo wake kupaza sauti katika masuala mbalimbali yanayohusu kada yao ili kuboresha zaidi utendaji kazi.

"Serikali iliridhia muunde TRAMPA ili muwe wamoja katika kupaza sauti kwenye maeneo yanayowahusu, hivyo tumieni fursa hiyo kufikisha ujumbe ili ufanyiwe kazi kwa wakati," amesisitiza Mhe. Simbachawene.

Naye Waziri wa Nchi, Ofisi ya Rais, Katiba, Sheria, Utumishi na Utawala Bora   wa Serikali ya Mapinduzi Zanzibar, Mhe. Haroun Ali Suleiman amesema yeye na Waziri mwenzake wa Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene wanafanya kila liwezekanalo kuhakikisha suala la maslahi kwa Maofisa Kumbukumbu na Nyaraka linashughulikiwa ili yaendane na majukumu ya kazi wanayoifanya.

Kwa upande wake Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Dkt. Joseph Mhagama amesema kukutana kwa Maofisa Kumbukumbu na Nyaraka katika mkutano huo utawawezesha kubadilishana uzoefu na ujuzi utakaoisaidia Serikali katika kutimiza azma ya kuwahudumia wananchi kwa ukamilifu na taifa kwa ujumla.

"Wana TRAMPA ninaamini mmekutana hapa kwa lengo la kupeana mbinu za kuboresha na kuimarisha utendaji kazi hivyo niwasihi mkitoka hapa mkatoe huduma bora zaidi ya awali ili kuhakikisha Serikali inapiga hatua kubwa za kimaendeleo kupitia kada yenu," amesisitiza Mhe. Dkt. Mhagama

Naye Mwenyekiti wa TRAMPA, Bi. Devotha Mrope amesema utunzaji wa kumbukumbu na nyaraka ni muhimu kwa Serikali na Sekta binafsi kwani unasaidia kupata mrejesho wa masuala mbalimbali wa wapi tulipotoka na tunapoelekea katika kuimarisha utendaji kazi na maendeleo ya nchi.

Akizungumzia mafanikio ya chama hicho, Bi. Mrope amesema TRAMPA imekuwa jicho kwa wanataaluma katika kuzisemea changamoto zinazowakabili ikiwemo kuwekewa mazingira bora ya kufanyia kazi, motisha, kutambuliwa na kuthaminiwa.

Bi. Mrope amesema utunzaji wa kumbukumbu nyaraka umeimarika kutokana na kuimarishwa kwa mafunzo mbalimbali ya kitaaluma katika kada hiyo ambapo kasi ya uvujaji wa siri umepungua kwa kiasi kikubwa tangu chama hicho kilipoasisiwa.

Makamu wa Pili wa Rais wa Zanzibar, Mhe. Hemed Suleiman Abdulla akifungua mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) katika Ukumbi wa Mikutano wa Jakaya Kikwete jijini Dodoma.

Baadhi ya Watunza Kumbukumbu kutoka Ofisi ya Rais-UTUMISHI na Utawala Bora wakimsikiliza Makamu wa Pili wa Rais wa Zanzibar, Mhe. Hemed Suleiman Abdulla (hayupo pichani) wakati akifungua mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) uliofanyika jijini Dodoma.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akitoa neno la utangulizi kabla ya kumkaribisha Makamu wa Pili wa Rais wa Zanzibar, Mhe. Hemed Suleiman Abdulla (hayupo pichani) kufungua mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) jijini Dodoma.

Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi akitoa utambulisho wa Viongozi wa Serikali waliohudhuria ufunguzi wa mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) uliofanyika jijini Dodoma.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene (wa kwanza kushoto) akifurahia jambo na Naibu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi wakati Waziri huyo alipowasili katika Ukumbi wa Mikutano wa Jakaya Kikwete kuhudhuria ufunguzi wa mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) jijini Dodoma.

Makamu wa Pili wa Rais wa Zanzibar, Mhe. Hemed Suleiman Abdulla akipokea zawadi wakati wa mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan iliyotolewa na Chama hicho kwa kutambua mchango anaoutoa katika taaluma hiyo.

Makamu wa Pili wa Rais wa Zanzibar, Mhe. Hemed Suleiman Abdulla akipokea zawadi wakati wa mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan iliyotolewa na Chama hicho kwa kutambua mchango anaoutoa katika taaluma hiyo. 

Sehemu ya washiriki wa mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) wakiwa kwenye ufunguzi wa mkutano huo uliofanyika katika Ukumbi wa Mikutano wa Jakaya Kikwete jijini Dodoma.

Baadhi ya Wakurugenzi Wasaidizi na Watumishi wa Ofisi ya Rais, Menejimenti ya Utumishi wa Umma na Utawala Bora wakiwa kwenye ufunguzi wa mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) jijini Dodoma.

Baadhi ya Watunza Kumbukumbu kutoka Ofisi ya Rais-UTUMISHI na Utawala Bora wakisikilza hotuba ya Makamu wa Pili wa Rais wa Zanzibar, Mhe. Hemed Suleiman Abdulla wakati akifunga mkutano mkuu wa 12 wa Chama cha Kitaaluma cha Menejimenti ya Kumbukumbu na Nyaraka Tanzania (TRAMPA) uliofanyika jijini Dodoma.

 

ACHENI KUFOKEA FOKEA WATUMISHI WENZENU:WAZIRI SIMBACHAWENE

 

 Na. Lusungu Helela

 Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene ameonesha kukerwa na  baadhi ya Wakurugenzi na Wakuu wa Taasisi za Serikali  wenye  tabia ya kuwafokea Watumishi  walio chini yao  wakiamini kufanya hivyo ndio uongozi.

 

Amesema baadhi yao hudiriki hata kuwatukana watumishi huku akisisitiza jambo hilo ni kosa kubwa na kama kuna Kiongozi anataka kufanya ufanisi lakini anafikia hatua ya kutukana watumishi huyo hafai kabisa kwani zipo kanuni, taratibu na sheria za utumishi wa umma za kuchukua kama mambo hayaendi sawa

 

Ametoa kauli hiyo leo wakati alipokuwa akizungumza na Watumishi wa Chuo cha Utumishi wa Umma katika Kampasi ya Dar es Salaam ambapo amesema hivi vitu ni maslahi ya umma, Kiongozi makini hahitaji kununa wala kufokafoka cha msingi ni kuchukua hatua.

 

" Kuna watu walikuwa wanasoma  bidii zote ili wapate nafasi kwenye utumishi wa umma ili waje wakomeshe watu, kuna watu kazi yao kubwa ni kuwashughulikia watu na hiyo ndo raha yao" ameng'aka Simbachawene

 

Amesema mshahara hata uwe mkubwa kiasi gani kwa watumishi kama mahali hapo  pa kazi hakuna amani, kuna manyanyaso, hakuna kuthaminiwa na kutambuliwa kwa mchango wao hapawezi kuwa na ufanisi wa kazi.

 

Kufuatia hatua hiyo, Mhe.Simbachawene amesema akitaka Chuo Cha Utumishi wa Umma kisisubiri kuitwa kitoe mafunzo ya kujengeana uwezo mahali pa kazi pamoja na kuhakikisha  kinatoa mafunzo ya awali kwa watumishi wanapoanza kazi  ili waweze kutambua haki na wajibu wao.

 

Amesema huko kwenye Taasisi za Serikali kuna shida kubwa ya migogoro ya watumishi isiyoisha ilhali Chuo cha Utumishi kipo " nilitegemea kuona mnafika kwenye Taasisi hizo  kwa lengo la kutoa mafunzo kwa watumishi ili mambo yaende lakini hamfanyi hivyo"

 

" Nakutana na mashirika makubwa ya nje yananiomba yakatoe mafunzo ya kuwajengea uwezo katika Taasisi fulani za Serikali wanaona mambo hayaendi sawa ilhali ninyi mpo hii sio sawa  changamkeni mna fursa nyingi za kubadilisha utumishi wa  umma nchini.

 

Amesema Chuo hicho kifanye mafunzo ili kuepuka watumishi wengi kupelekana mahakamani au TAKUKURU ilhali Chuo cha Utumishi kupitia mafunzo ya kujengeana yangetolewa ingekuwa ni mwarobaini na  hali  isingefikia huko.

 

Awali Mkuu wa Chuo hicho, Dkt.Mabonesho ameishukuru Ofisi ya Rais, Menejimenti ya Utumishi wa Umma na Utawala Bora kwa mchango  mkubwa wa kutatua tatizo la watumishi katika Chuo ambacho kilikuwa kinakabiliwa na uhaba wa watumishi na hivyo kukwamisha kufikia malengo waliyojiwekea

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene akizungummza na  Watumishi wa Chuo cha Utumishi wa Umma Tanzania (TPSC) Kampasi ya Dar es Salaam 

 

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene akiwa kwenye picha ya pamoja na baadhi ya  Watumishi wa Chuo cha Utumishi wa Umma

Kwaya ya Chuo cha Utumishi wa Umma ikiimba mbele ya  Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene wakati alipowasili  katika  Chuo hicho kwa ajili ya kuzungumza na Watumishi

 

Mkuu wa Chuo cha Utumishi wa Umma, Dkt. Ernest Mabonesho akizungumza kabla ya kumkaribisha Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene kwa ajili ya kuzungummza na  Watumishi wa Chuo hocho  Kampasi ya Dar es Salaam 

 

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene akipata maelezo wakati alipotembelea chumba cha  mashine za kizamani za kujifunzia za  kuchapa kwa wanafunzi wa mwaka wa kwanza  katika Chuo cha Utumishi Kampusi ya Dar es Salaam akiwa na Mkuu wa Chuo hicho Dkt. Ernest Mabonesho

 

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene akizungummza na  Viongozi  wa Chuo cha Utumishi wa Umma Tanzania (TPSC) Kampasi ya Dar es Salaam 

 

 

Baadhi ya Watumishi wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.George  Simbachawene wakati alipofanya ziara ya kutembelea Chuo cha Utumishi wa Umma  Kampasi ya Dar es Salaam 

 

 

 

 

 

 

 

 

 

 

KAIMU KATIBU MKUU UTUMISHI AVUTIWA NA UBUNIFU WA UTOAJI MAFUNZO KWA WATUMISHI

            Na. Lusungu Helela na Veronica Mwafisi

         Tarehe 28 Oktoba, 2024

Kaimu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi amesema amevutiwa na ubunifu wa kipekee unaoendelea kufanywa na Idara ya Utawala na Usimamizi wa Rasilimaliwatu kwa kuja na mkakati wa kutoa mafunzo elekezi ya pamoja kwa Watumishi wote wa Ofisi ya Rais, Menejimenti ya Utumishi wa Umma na Utawala Bora kuhusu matumizi sahihi ya mfumo wa ofisi mtandao (e-Office). 

Bw. Daudi ametoa kauli hiyo leo Jumatatu tarehe 28 Oktoba, 2024 wakati akizungumza na Watumishi wa Ofisi ya Rais, Menejimenti ya Utumishi wa Umma na Utawala Bora ambapo amesema ujio wa mafunzo ya kujengeana uwezo ni muhimu ikizingatiwa kwa sasa matumizi ya mfumo wa Ofisi Mtandao katika Ofisi za Serikali ni jambo lisiloepukika. 

Awali, Kaimu Mkurugenzi wa Idara ya Utawala na Usimamizi wa Rasilimaliwatu, Bi. Nyasinde Mukono amesema mafunzo hayo yatakuwa yakifanyika kila Jumatatu asubuhi lengo likiwa ni kuwajengea uwezo watumishi wote. 

"Tumekuja na utaratibu huu wa kujumuika kwa pamoja ili kuhakikisha watumishi wote wanakuwa na uelewa wa pamoja wa matumizi sahihi ya mfumo wa ofisi mtandao,” amesema Bi. Mukono. 

Mafunzo hayo yamehudhuriwa na Watumishi pamoja na Wakurugenzi wa ofisi hiyo ambapo mada mbalimbali ziliwasilishwa ikiwemo matumizi ya saini ya kidigitali, tahadhari za kiusalama katika matumizi ya mfumo wa ofisi mtandao pamoja na namna bora ya kushughulikia barua kwa njia ya mfumo wa ofisi mtandao.

Mada hizo zilizowasilishwa ziliongozwa na Wataalamu wa kutoka ndani na nje ya Ofisi ya Rais, UTUMISHI na Utawala Bora zikiongozwa na mwenyeji wao Afisa Tehama Mkuu, Bi. Zalika Hussein.

Kaimu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi akizungumza na watumishi wa ofisi yake wakati wa mafunzo yaliyolenga kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Sehemu ya Wakurugenzi na Watumishi wa Ofisi ya Rais-UTUMISHI na Utawala Bora wakimsikiliza Kaimu Katibu Mkuu wa ofisi hiyo, Bw. Xavier Daudi (hayupo pichani) wakati akizungumza nao kwenye mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Kaimu Mkurugenzi wa Idara ya Utawala na Usimamizi wa Rasilimaliwatu, Ofisi ya Rais, Menejimenti ya Utumishi wa Umma na Utawala Bora, Bi. Nyasinde Mukono akitoa neno la utangulizi kabla ya kumkaribisha Kaimu Katibu Mkuu wa Ofisi hiyo Bw. Xavier Daudi (hayupo pichani) kuzungumza na watumishi kabla ya kuanza mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Sehemu ya Wakurugenzi wasaidizi na watumishi wa Ofisi ya Rais-UTUMISHI na Utawala Bora wakimsikiliza Kaimu Katibu Mkuu wa ofisi hiyo, Bw. Xavier Daudi (hayupo pichani) wakati akizungumza nao kwenye mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Afisa Tehama Mkuu, Bi. Zalika Hussein akiwasilisha mada kuhusu matumizi ya Mfumo wa Ofisi Mtandao (e-office) wakati wa mafunzo ya kuwajengea uwezo watumishi hao katika utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Mtumishi wa Ofisi ya Rais-UTUMISHI na Utawala Bora, Bi. Georgina Kalanje akiwasilisha hoja wakati wa mafunzo ya kuwajengea uwezo watumishi hao katika utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Sehemu ya watumishi wa Ofisi ya Rais-UTUMISHI na Utawala Bora wakimsikiliza Kaimu Katibu Mkuu wa ofisi hiyo, Bw. Xavier Daudi (hayupo pichani) wakati akizungumza nao wakati wa mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Mtumishi wa Ofisi ya Rais-UTUMISHI, Bw. Shukrani Mshigati, akichangia hoja wakati wa mafunzo ya kuwajengea uwezo watumishi hao katika utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Baadhi ya watumishi wa Ofisi ya Rais-UTUMISHI wakimsikiliza Kaimu Katibu Mkuu wa ofisi hiyo, Bw. Xavier Daudi (hayupo pichani) wakati akizungumza nao kwenye mafunzo yaliyohusu kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Waratibu wa mafunzo kutoka Ofisi ya Rais-UTUMISHI na Utawala Bora wakifuatilia mafunzo yaliyohusu kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Sehemu ya Watumishi wa Ofisi ya Rais, Menejimenti ya Utumishi wa Umma na Utawala Bora, wakifuatilia mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Kaimu Katibu Mkuu, Ofisi ya Rais-UTUMISHI na Utawala Bora, Bw. Xavier Daudi (aliyesimama) akizungumza jambo na watumishi wa ofisi yake wakati wa mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.

Baadhi ya Watumishi wa Ofisi ya Rais, Menejimenti ya Utumishi wa Umma na Utawala Bora, wakifuatilia mafunzo ya kuwajengea uwezo watumishi hao katika masuala ya utendaji kazi yaliyofanyika katika ofisi hiyo iliyopo Mji wa Serikali Mtumba, jijini Dodoma.