KUFUATIA KASI YA UJENZI WA MIRADI YA MAENDELEO NCHINI SERIKALI KUENDELEA KUTOA VIBALI VYA AJIRA ILI KUONDOKANA NA ADHA YA UHABA WA WATUMISHI-Mhe. Simbachawene

 Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene amesema Serikali imeendelea kutoa vibali vya ajira ili kuondokana na adha ya uhaba wa watumishi kufuatia kasi ya ujenzi wa miradi ya maendeleo katika sekta mbalimbali nchini ikiwemo ya afya na elimu.

Mhe. Simbachawene amesema hayo leo wakati wa ziara yake ya kikazi ya kukagua utekelezaji wa miradi ya maendeleo na kusikiliza changamoto za wananchi katika Mkoa wa Mara ikiwa ni utekelezaji wa Ilani ya Chama cha Mapinduzi.

“Katika sekta ya afya, mchakato wa ajira umefanyika kwenye mikoa yote, waombaji wameomba na katika Mkoa wa Mara kama ilivyo katika mikoa mingine, Katibu Tawala wa Mkoa na wasaidizi wake wamesimamia zoezi hilo na watumishi hao wamepatikana hivyo, wanakuja wa kutosha, Rais Mhe. Dkt. Samia Suluhu Hassan amemaliza kazi yake,” Mhe. Simbachawene ameongeza.

Ameongeza kuwa, katika sekta ya elimu kama ilivyokuwa kwenye afya, mchakato wa ajira utaanza tena ambapo waombaji wataomba tena kupitia kwenye mikoa na huko ndiko watawapangia wenyewe sehemu yenye upungufu na sio tena Ofisi ya Rais-UTUMISHI au Ofisi ya Rais-TAMISEMI kama ilivyokuwa awali.

Mhe. Simbachawene amewasisitiza Viongozi wa mkoa huo kutoa taarifa za upungufu wa watumishi kwa kuwa mahitaji ya watumishi yanapangwa kutokana na maombi ya mkoa husika.

“Katibu Tawala wa Mkoa, kwenye upungufu wa watumishi tusaidiane kupeana taarifa na kwa wale ambao hawatapatikana kupitia mchakato wa ajira mpya katika mkoa wenu, basi tutafanya uhamisho kwasababu kasi ya maendeleo ni kubwa sana hivyo suala la upungufu wa watumishi ni lazima lipewe kipaumbele.

Aidha, Mhe. Simbachawene ametoa wito kwa watumishi wa umma kuhakikisha utoaji wa huduma bora kwa wananchi unakuwa ndio kipaumbele.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akizungumza na wananchi wa Halmashauri ya Wilaya Musoma mara baada ya kutoka kuweka jiwe la msingi katika Hospitali ya Halmashauri ya Wilaya Musoma wakati wa ziara yake ya kikazi iliyolenga kukagua na kuzindua utekelezaji wa miradi mbalimbali  ya maendeleo mkoani Mara.

Baadhi ya Wananchi wa Halmashauri ya Wilaya Musoma wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene (hayupo pichani) wakati akizungumza nao mara baada ya kutoka kuweka jiwe la msingi katika Hospitali ya Wilaya ya Musoma wakati wa ziara yake ya kikazi iliyolenga kukagua na kuzindua utekelezaji wa miradi mbalimbali ya maendeleo mkoani Mara.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akifurahia jambo mara baada ya kuzindua Hospitali ya Halmashauri ya Wilaya Musoma ambayo imewekwa jiwe la msingi na Waziri huyo wakati wa ziara yake ya kikazi iliyolenga kukagua na kuzindua utekelezaji wa miradi mbalimbali ya maendeleo mkoani Mara.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akielekea kukagua majengo ya Hospitali ya Halmashauri ya Wilaya Musoma wakati wa ziara ya kikazi ya Waziri huyo iliyolenga kukagua na kuzindua utekelezaji wa miradi mbalimbali ya maendeleo mkoani Mara.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene (kushoto) akiteta jambo na Mkuu wa Mkoa wa Mara, Kanali Evance Mtambi wakati wa ziara ya kikazi ya Waziri huyo iliyolenga kukagua na kuzindua utekelezaji wa miradi mbalimbali ya maendeleo mkoani Mara. 

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akisisitiza jambo baada ya kukagua mashine ya x-ray wakati wa ziara yake ya kikazi katika mkoa wa Mara iliyolenga kukagua na kuzindua utekelezaji wa miradi mbalimbali ya maendeleo.

Mwonekano wa mashine ya x-ray iliyopo katika Hospitali ya Halmashauri ya Wilaya Musoma mkoani Mara.

 

Mwonekano wa kitanda cha mgonjwa na mashine za kupima afya zilizopo katika Hospitali ya Halmashauri ya Wilaya Musoma mkoani Mara.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akisalimiana na Viongozi wa Mkoa wa Mara baada ya kuwasili mkoani humo kwa lengo la kufanya ziara ya kikazi ya kukagua na kuzindua utekelezaji wa miradi mbalimbali ya maendeleo na kuzungumza na wananchi.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akitazama nyaraka za  mwananchi wa Halmashauri ya Wilaya Musoma aliyewasilisha changamoto yake  wakati wa ziara ya kikazi ya kukagua na kuzindua utekelezaji wa miradi mbalimbali ya maendeleo na kuzungumza na wananchi.

MAENDELEO YA TANZANIA YANATOKANA NA UHUSIANO MZURI WA KIDIPLOMASIA NA KIUCHUMI WA RAIS MHE. DKT. SAMIA SULUHU HASSAN NA NCHI WAHISANI- Mhe. Simbachawene

 Na. Veronica Mwafisi-Mara

Tarehe 01 Oktoba, 2024

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene amesema uhusiano mzuri wa kidiplomasia na kiuchumi alio nao Rais wa Jamhuri ya Muungano wa Tanzania, Mhe. Dkt. Samia Suluhu Hassan na nchi wahisani umechangia kwa kiasi kikubwa kutekeleza miradi mbalimbali ya maendeleo nchini.

Mhe. Simbachawene amesema hayo leo tarehe 1 Oktoba, 2024 wakati wa ziara yake ya kikazi ya kukagua utekelezaji wa miradi ya maendeleo na kusikiliza changamoto za wananchi katika Mkoa wa Mara ikiwa ni utekelezaji wa Ilani ya Chama cha Mapinduzi.

Amesema miradi hii mikubwa inayotekelezwa nchini haitokei kwa bahati mbaya bali ni jitihada za Rais Mhe. Dkt. Samia Suluhu Hassan ya kutaka Tanzania iwe na maendeleo.

“Tunamshukuru sana Rais, Mhe Dkt. Samia Suluhu Hassan kwa uhusiano wake mzuri na nchi wahisani ambao umewezesha kupata fedha za kutekeleza miradi mbalimbali ya maendeleo katika sekta mbalimbali ikiwemo miundombinu, elimu na afya,” Mhe. Simbachawene ameongeza.

Mhe. Simbachawene ametoa wito kwa watumishi wa umma na wananchi kuendelea kumuombea Rais ili azidi kuwa na afya njema na kuweza kutafuta fedha kwa ajili ya miradi mingi zaidi ya maendeleo.

Amepongeza juhudi zinazofanywa na watumishi na wananchi wa Mkoa wa Mara kwa kutekeleza miradi ya maendeleo kwa ufanisi katika mkoa huo na kuwasisitiza Viongozi wa Mkoa wa Mara kuwahimiza wananchi wa mkoa huo kufanya kazi za uzalishaji kwa bidii ili kujiongezea kipato.

“Mkoa wa Mara mmefanya kazi kubwa sana, tuendelee kutekeleza na kusimamia utekelezaji wa miradi hii ili kufikia lengo la Serikali ya Awamu ya Sita ya kuwa na maendeleo katika nchi yetu.” Mhe. Simbachawene amesisitiza.

Amesema changamoto zilizopo za upungufu wa watumishi na nyinginezo, Serikali inazitambua na inazifanyia kazi.

Mhe. Simbachawene ameanza ziara hiyo katika Halmashauri ya Wilaya ya Musoma ambapo ameweka jiwe la msingi ujenzi wa hosptitali ya wilaya hiyo na kuzindua vyumba13 vya madarasa, matundu 17 ya vyoo na mabweni matano katika Shule ya Sekondari Songe.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akifuatilia taarifa ya Mkoa wa Mara na utekelezaji wa miradi ya maendeleo katika mkoa huo wakati wa ziara yake ya kikazi iliyolenga kukagua, kuzindua na kusikiliza changamoto za wananchi katika Mkoa huo.

 

Katibu Tawala wa Mkoa wa Mara, Bw. Gerald Kusaya (aliyesimama kulia) akisoma taarifa ya mkoa wa Mara na Utekelezaji wa miradi ya maendeleo wakati wa ziara ya kikazi ya Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene iliyolenga kukagua na kuzindua utekelezaji wa miradi mbalimbali ya maendeleo mkoani humo.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akisisitiza jambo wakati akizungumza na Kamati ya Usalama, Wakuu wa Idara, Wakuu wa Taasisi na Watumishi wa Sekretarieti ya Mkoa wa Mara wakati wa ziara yake ya kikazi iliyolenga kukagua na kuzindua utekelezaji wa miradi mbalimbali ya maendeleo mkoani humo.

Kamati ya Usalama, Wakuu wa Idara, Wakuu wa Taasisi na Watumishi wa Sekretarieti ya Mkoa wa Mara wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene (hayupo pichani) wakati akizungumza nao mara baada ya kupokea taarifa ya utekelezaji wa miradi ya maendeleo katika mkoa huo wakati wa ziara yake ya kikazi iliyolenga kukagua na kuzindua utekelezaji wa miradi mbalimbali ya maendeleo.

MAELEKEZO KWA WASIMAMIZI WA RASILIMALIWATU KATIKA UTUMISHI WA UMMA

 

“WASIMAMIZI WA RASILIMALIWATU SERIKALINI ACHENI KUWA SABABU YA MAGONJWA SUGU YASIYOAMBUKIZWA KWA WATUMISHI”-Katibu Mkuu Mkomi

 Na. Veronica Mwafisi-Dodoma

Tarehe 23.09.2024

Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi amewataka Wasimamizi wa Rasilimaliwatu Serikalini kuacha kuwa sababu ya Magonjwa Sugu Yasiyoambukizwa (MSY) kwa watumishi wa umma na kushindwa kutekeleza majukumu yao kikamilifu.

Bw. Mkomi ameyasema hayo leo wakati akifungua semina elekezi ya siku moja kwa Makatibu Tawala Wasaidizi wa Utawala na Usimamizi wa Rasilimaliwatu kutoka mikoa 26 ya Tanzania Bara kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi katika Utumishi wa Umma iliyofanyika katika Ukumbi wa Hazina jijini Dodoma.

Amesema baadhi ya Wasimamizi wa Rasilimaliwatu wamekuwa miungu watu na wababe kiasi cha kutowatendea haki watumishi katika masuala yao ya kiutumishi na kuchangia watumishi hao kupata Magonjwa Sugu Yasiyoambukizwa.

“Changamoto nyingine za Magonjwa Sugu Yasiyoambukizwa kwa Watumishi wa Umma yamekuwa yakisababishwa na baadhi yenu kwa kutowajibika kwa watumishi mnaowaongoza kwani mmekuwa wababe na kuogopwa sana, jambo hili sio sawa kwani kuwajibika kwa watumishi ni wajibu wenu.” Katibu Mkuu Mkomi amesisitiza.

Ameongeza kuwa, watumishi hawa ndio wanaosaidia katika kupanga mipango mbalimbali ya maendeleo, hivyo ni lazima wasikilizwe, wasaidiwe na kutatua changamoto zao badala ya kuwa wababe kwani kwa kufanya hivyo watashindwa kufanya kazi kikamilifu na kurudisha nyuma mipango ya maendeleo.

“Tunapaswa kuwajibika kwa tunaowasimamia, tuwasimamie kwa karibu kama tumeshindwa kufanya hivyo basi tumeshindwa kazi” Ameongeza Bw. Mkomi.

Amesema Wasimamizi wa Rasilimaliwatu kuwa karibu na watumishi wanaowaongoza kunasaidia hata watumishi hao kuwashirikisha changamoto zinazowakabili hata zile za kiafya ili wasaidiwe na kuweza kutekeleza majukumu yao kwa ufanisi.

Katika hatua nyingine Katibu Mkuu Mkomi amewataka Makatibu Tawala Wasaidizi hao kuwahamasisha Watumishi wa Umma kujitokeza kupiga kura ili kuchagua viongozi watakaosimamia utekelezaji wa mipango mbalimbali ya serikali kwenye mitaa yao.

“Twendeni tukahamasishe watumishi wa umma, sisi ndio tunaowasimamia, wakajitokeze katika kupiga kura, tukiwaacha wafanye kazi zao bila kuwahamasisha wanaweza wakachangia kutokapatikana kwa viongozi walio bora,” Katibu Mkuu Mkomi amesisitiza.

Naye Mkurugenzi wa Tawala za Mikoa Ofisi ya Rais TAMISEMI, Bi. Beatrice Kimoleta amesema Serikali imekuwa ikitekeleza miradi mingi ya maendeleo hivyo, ni muhimu rasilimaliwatu ikasimamiwa kwa usahihi ili iweze kutekeleza miradi hiyo kwa ufasaha.

“Semina hii ni muhimu kwani itasaidia kwa kiasi kikubwa katika kuhakikisha rasilimaliwatu katika Serikali za Mitaa inakuwa yenye afya na yenye kuleta tija.” Bi. Kimoleta ameongeza.

Akitoa neno la Utangulizi kabla ya kumkaribisha Katibu Mkuu kufungua semina hiyo, Mkurugenzi wa Uendelezaji Sera, Ofisi ya Rais-UTUMISHI, Bw. Cyrus Kapinga amesema lengo la semina hiyo ni kupata ufahamu wa pamoja katika eneo la anuai za jamii na miongozo yote inayohusiana na eneo hilo. 

Bw. Kapinga amesema changamoto za masuala ya anuai za jamii ni nyingi hivyo ni lazima kukaa kwa pamoja ili kupeana ufahamu kwa lengo la kuwasaidia watumishi wa umma kwa maendeleo ya taifa.

Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi akizungumza na Makatibu Tawala Wasaidizi wa Utawala na Usimamizi wa Rasilimaliwatu wakati akifungua semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi katika Utumishi wa Umma.

Sehemu ya Makatibu Tawala Wasaidizi wa Utawala na Usimamizi wa Rasilimaliwatu kutoka mikoa 26 ya Tanzania Bara wakimsikiliza Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi  wakati akifungua semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi iliyofanyika jijini Dodoma

Mkurugenzi wa Uendelezaji Sera, Ofisi ya Rais-UTUMISHI, Bw. Cyrus Kapinga akizungumza wakati wa semina elekezi kwa Makatibu Tawala Wasaidizi wa Utawala na Usimamizi wa Rasilimaliwatu kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi iliyofanyika jijini Dodoma. Kulia kwake ni Mkurugenzi Msaidizi Anuai za Jamii na Mratibu wa VVU, Ukimwi na Magonjwa Yasiyoambukiza, Ofisi ya Rais-UTUMISHI, Bi. Mwanaamani Mtoo.

Wakurugenzi wa Idara na Vitengo kutoka Ofisi ya Rais-UTUMISHI wakifuatilia hotuba ya Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi wakati akizungumza na Makatibu Tawala Wasaidizi wa Utawala na Usimamizi wa Rasilimaliwatu wakati akifungua semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi.

Mkurugenzi wa Tawala za Mikoa Ofisi ya Rais TAMISEMI, Bi. Beatrice Kimoleta akizungumza wakati wa semina elekezi kwa Makatibu Tawala Wasaidizi wa Utawala na Usimamizi wa Rasilimaliwatu kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi iliyofanyika jijini Dodoma

Wakurugenzi wa Idara na Vitengo kutoka Ofisi ya Rais-UTUMISHI wakimsikiliza Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi wakati akizungumza na Makatibu Tawala Wasaidizi wa Utawala na Usimamizi wa Rasilimaliwatu wakati wa semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi.

 

Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi (katikati waliokaa) akiwa katika picha ya pamoja na Wakurugenzi wasaidizi kutoka Ofisi ya Rais-UTUMISHI mara baada ya kufungua semina elekezi kwa Makatibu Tawala Wasaidizi wa Utawala na Usimamizi wa Rasilimaliwatu (hawapo pichani) kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi katika Utumishi wa Umma.

Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi (katikati waliokaa) akiwa katika picha ya pamoja na Makatibu Tawala Wasaidizi wa Utawala na Usimamizi wa Rasilimaliwatu kutoka mikoa 26 ya Tanzania Bara mara baada ya kufungua semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi katika Utumishi wa Umma.

Afisa Maendeleo ya Jamii, Ofisi ya Rais-UTUMISHI Bi. Neema Range akiwasilisha mada wakati wa semina elekezi kuhusu Mwongozo wa VVU, UKIMWI na Magonjwa Sugu Yasiyoambukizwa (MSY) kwa Makatibu Tawala Wasaidizi wa Utawala na Usimamizi wa Rasilimaliwatu kutoka mikoa 26 ya Tanzania Bara.

Katibu Tawala Msaidizi, Utawala na Usimamizi wa Rasilimaliwatu-Mkoa wa Singida, Bw. Stephen Pancras (wa kwanza kushoto) akichangia mada wakati wa semina elekezi kwa Makatibu Tawala Wasaidizi wa Utawala na Usimamizi wa Rasilimaliwatu kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi. Kushoto kwake ni Wawezeshaji wa semina hiyo.

Wakurugenzi wa Idara na Vitengo kutoka Ofisi ya Rais-UTUMISHI wakifuatilia hotuba ya Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi wakati akizungumza na Makatibu Tawala Wasaidizi wa Utawala na Usimamizi wa Rasilimaliwatu wakati akifungua semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi.

Sehemu ya Makatibu Tawala Wasaidizi wa Utawala na Usimamizi wa Rasilimaliwatu kutoka mikoa 26 ya Tanzania Bara wakimsikiliza Katibu Mkuu, Ofisi ya Rais, Menejimenti ya Utumishi wa Umma, Bw. Juma Mkomi  wakati akifungua semina elekezi kuhusu Mwongozo wa Kudhibiti VVU, UKIMWI na Magonjwa Sugu Yasiyoambukizwa mahali pa kazi iliyofanyika jijini Dodoma

 

MHE. SIMBACHAWENE AWAASA WAHITIMU KUSHIKA ELIMU KWA UJENZI WA TAIFA ENDELEVU.

 Na. Mwandishi Wetu

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene amewaasa wahitimu wa darasa la Saba kushika elimu kwa kuwa elimu ni msingi wa maisha na inajenga taifa endelevu.

Mhe. Simbachawene alisema kuwa, Rais, Mhe. Dkt. Samia Suluhu Hassan anatambua umuhimu wa elimu kwa taifa, hivyo, amewekeza zaidi katika elimu ikiwa ni jitihada za kuendelea kupambana na maadui watatu wa Taifa ambao ni ujinga, umasikini na maradhi.

Aidha, aliwakumbusha kuwa msomi ni mtu yeyote ambaye amefuta ujinga, anaweza kusoma na kuandika na kutanzua mambo yanayomkabili, hivyo elimu ni muhimu na ndiyo mana Serikali ya Awamu ya Sita imeamua kutoa elimu bure kuanzia darasa la kwanza hadi kidato cha sita.

“Ninawasihi musome kwa bidii ili msije mkajuta hapo baadae katika maisha yenu, ukiwa na elimu utaishi maisha ya kufuata Sheria za nchi, utaheshimu watu, utakuwa na hekima na busara ya kutawala maisha yanayokuzunguka” alisistiza Mhe. Simbachawene.

Katika hotuba yake kwa wahitimu hao wa darasa la saba kwenye Mahafali ya 60 ya Shule ya Msingi Kaloleni iliyopo Kata ya Majengo Jijini Dodoma, Mhe. Simbachawene aliwataka wahitimu hao kutokatishwa tamaa na watu wasiopenda elimu kwa kuwa elimu ni msingi wa utendaji kazi na maendeleo.

Pia, alisema watu wengi wanapotosha sana dhana ya elimu na hivyo kuwakatisha tamaa vijana kuendelea na masomo. Alifafanua kuwa hakuna uhusiano kati ya kusoma na kuwa na pesa, hata wasiosoma wana haki ya kuwa na pesa, suala la maisha mazuri ni bahati na mipango ya mtu binafsi, hakuna uhusiano na elimu.

“Ukiwa na elimu unaweza kuwa na njia bora za kwenda kwenye maisha mazuri kwa sababu anaweza kufanya uamuzi kwa usahihi kuliko yule ambaye hajasoma na wenye pesa wanatumia wasomi kupata pesa zaidi hususani katika masuala ya uvuvi, kilimo, ufugaji na biashara kwa jumla” aliongeza Mhe. Simbachawene.

Vilevile, amewapongeza walimu wote Tanzania kwa kufanya kazi vyema ya kufundisha vema na ameahidi kusimamia na kuangalia maslahi ya walimu hao kwa kuwa wanafanya kazi kubwa sana ya kujenga taifa la kesho.

Katika risala  ya wahitimu ilibainisha kuwa, shule ya msingi Kaloleni inamilikiwa na Serikali kwa asilimia 100, ilianzishwa mwaka 1958 ina walimu 18 kati yao wakiume 5 wakike 13. Idadi ya wanafunzi ni 845 wavulana 441 wasichana 404. Hivyo, jumla ya wanafunzi 104 wamehitimu darasa la Saba ikiwa wavulana 48 na wasichana 56.

Hali kadhalika, Mwalimu Mkuu wa Shule hiyo Mwl. Emmanuel S. Enock alimshukuru Waziri Mhe. George Simbachawene kwa kujumuika na familia ya Kaloleni kwenye mahafali ya 60 licha ya kuwa na majukumu mengi ya kijamii na kitaifa.

Mwl. Emmanuel aliongeza kuwa Shule ya Msingi Kaloleni ni eneo salama kwa malezi ya watoto, kwani inaandaa watoto vyema kinadharia na kivitendo kutokana na umahiri mkubwa wa walimu wenye uwezo wa kufundisha, moyo wa upendo, huruma na uchu wa kuelimisha watoto ili kupata taifa imara na lenye wasomi.

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akizungumza na Wahitimu wa Darasa la Saba na Wazazi (hawapo pichani) wakati wa Mahafali ya 60 ya Shule ya Msingi Kaloleni Jijini Dodoma.

Baadhi ya Wanafunzi wa Shule ya Msingi Kaloleni wakifuatilia matukio ya Mahafali ya 60 ya Darasa la Saba katika Shule ya Msingi Kaloleni Jijini Dodoma.

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akimkabidhi cheti na zawadi mmoja wa Wahitimu wa Darasa la Saba wakati wa Mahafali ya 60 ya Shule ya Msingi Kaloleni Jijini Dodoma.

Baadhi ya Wazazi wakifuatilia matukio kwenye Mahafali ya 60 ya Darasa la Saba katika Shule ya Msingi Kaloleni Jijini Dodoma.

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akiwa katika picha ya pamoja na Wahitimu wa Darasa la Saba wa Shule ya Msingi Kaloleni wakati wa Mahafali ya 60 ya Shule ya Msingi Kaloleni Jijini Dodoma.

MHE. SIMBACHAWENE AWAASA WAHITIMU KUSHIKA ELIMU KWA UJENZI WA TAIFA ENDELEVU.

 

MHE. SIMBACHAWENE AMTEMBELEA MAMA SITTI MWINYI

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene amemtembelea Mama Sitti Mwinyi nyumbani kwake Mikocheni Jijini Dar es Salaam leo Septemba 10, 2024.

“Rais, amenielekeza kuwafikishia salaam zake na amesema yuko pamoja nanyi na ndio mana amenituma kufika hapa nyumbani na kuwajulia hali, kusikiliza changamoto zilizopo na kuzitafutia ufumbuzi” amesema Mhe. Simbachawene.

Mhe. Simbachawene amesema Rais Mhe. Dkt. Samia anathamini sana mchango wa Viongozi Wakuu wa Kitaifa waliomtangulia na ataendelea kusimamia na kutunza familia hizo kwa mujibu wa Katiba na Sheria.

Aidha, Mama Sitti amemshukuru Mhe. Simbachawene kwa kupata nafasi ya kumtembelea na kumjulia hali na amempongeza Rais Mhe. Dkt. Samia Suluhu Hassan kwa kuendelea kuijali familia yake wakati wote bila kuchoka na amemuombea kwa Mungu aendelee kutumia hekima na busara katika kuiongoza Tanzania.

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akiwa katika picha ya pamoja na Mama Sitti Mwinyi wakati alipomtembelea nyumbani kwake Mikocheni Jijini Dar es Salaam Septemba 10, 2024

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akifurahia jambo na Mama Sitti Mwinyi wakati alipomtembelea nyumbani kwake Mikocheni Jijini Dar es Salaam Septemba 10, 2024

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akisalimiana na Mama Sitti Mwinyi wakati alipomtembelea nyumbani kwake Mikocheni Jijini Dar es Salaam Septemba 10, 2024

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene akifurahia jambo na Mama Sitti Mwinyi wakati alipomtembelea nyumbani kwake Mikocheni Jijini Dar es Salaam Septemba 10, 2024

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene wakifuatilia jambo na Mama Sitti Mwinyi wakati alipomtembelea nyumbani kwake Mikocheni Jijini Dar es Salaam Septemba 10, 2024

 

MHE. SIMBACHAWENE ATETA NA RAIS KIKWETE

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene leo amemtembelea na kufanya mazungumzo na Rais Mstaafu wa Awamu ya Nne Mhe. Dkt. Jakaya M. Kikwete nyumbani kwake Kawe Jijini Dar es Salaam.

Katika mazungumzo hayo, Mhe. Simbachawene amefikisha salaam za Rais wa Jamhuri ya Muungano wa Tanzania Mhe. Dkt. Samia Suluhu Hassan ambaye ameahidi kuendelea kuwa pamoja na Viongozi Wakuu Wastaafu wa Kitaifa kwa maendeleo ya taifa.

Mhe. Simbachawene amesema Ofisi ya Rais, Menejimenti ya Utumishi wa Umma na Utawala Bora ina jukumu la kutunza Viongozi Wakuu Wastaafu Kitaifa na Wenza wao, hivyo yuko tayari kuendelea kutekeleza jukumu hilo alilopewa na Rais Mhe. Dkt. Samia Suluhu Hassan kwa ufanisi.

Hali kadhalika, Mhe. Dkt. Kikwete amemshukuru Mhe. Simbachawene kwa ujio huo na kupongeza utaratibu uliopo wa kuwatembelea Wiongozi Wakuu Wastaafu wa Kitaifa kwa kuwa unawapa faraja, unaonesha thamani na mchango wao kwa maendeleo ya taifa.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. George Simbachawene akiteta na Rais Mstaafu wa Awamu ya Nne, Mhe. Dkt. Jakaya Kikwete nyumbani kwake Kawe Jijini Dar es Salaam.

MHE. SANGU: UADILIFU NI MSINGI WA USALAMA WA TANZANIA

Na. Mwandishi Wetu

Septemba 5, 2024

“Tuwawajibishe au kuachana na watumishi wasiokuwa waadilifu kwa kuwa sisi ndio tunaotakiwa kusimamia uadilifu lakini miongoni mwetu tunakuwa na watu wasiokuwa waadilifu”

Maneno hayo yamesemwa na Naibu Waziri, Ofisi ya Rais Menejimenti ya Utumishi wa Umma na Utawala Bora Mhe. Deus Sangu wakati akiongea na viongozi na watumishi wa TAKUKURU makao makuu Dodoma.

Amewakumbusha Viongozi na watumishi hao kuwa suala la uadilifu limeandikwa hata katika vitabu vya dini zote ambapo likizingatiwa kwa usahihi amani na utulivu hutamalaki miongoni mwa wananchi.

Alisema, TAKUKURU ni taasisi muhimu na nyeti katika taifa la Tanzania na msingi wake ni Katiba ya Jamhuri ya Muungano wa Tanzania lengo ikiwa ni kuzuia na kupambana na rushwa katika jamii. Hivyo, Viongozi na watumishi wote wa Umma wakiongozwa na TAKUKURU hawanabudi kumuunga mkono Rais Mhe. Dkt. Samia Suluhu Hassan katika mapambano hayo.

Mhe. Sangu ametoa rai kwa TAKUKURU kuangalia kwa kwa makini eneo la Ununuzi wa Umma ambapo zaidi ya asilimia 70 ya bajeti ya Serikali inaelekezwa katika eneo hilo. Hivyo, eneo hilo lazima litazamwe na kupewa kipaumbele ili kuziba mianya ya rushwa.

Aliongeza kuwa, Rais wa Jamhuri ya Muungano wa Tanzania Mhe. Dkt. Samia Suluhu Hassan amepeleka fedha nyingi kwenye miradi ya maendeleo Tanzania nzima, hivyo ameielekeza TAKUKURU kufuatilia na kusimamia vyema miradi hiyo ili kuhakikisha inatekelezwa kwa mujibu wa mikataba.

Naye, Katibu Mkuu Ofisi ya Rais, Ikulu Bw. Mululi Majula Mahendeka amesema TAKUKURU ni muhimu kwa usalama wa nchi hasa katika kuzuia na kupambana na rushwa.

“Rushwa ikishamili na usalama wa nchi unateteleka kwa kuwa wananchi wanakosa imani na Serikali yao, hivyo  ametoa wito  kwa watumishi hao kufanya kazi kwa juhudu na maarifa ili Serikali iendelee kuiaminika kwa umma” alisisitiza Bw. Mahendeka.

Alibainisha kuwa, usiri na utengano sambamba ni jambo la msingi katika uendeshaji wa shughuli za Serikali na mambo hayo yasipozingatiwa na kutiliwa mkazo yanaweza kubomoa msingi wa umoja wa Taifa ambao uliwekwa na unaendelea kusimamiwa vyema na Viongozi wetu wakuu.

Awali, Mkurugenzi Mkuu wa TAKUKURU Bw. Crispin Chalamila alimuahidi Mhe. Sangu kupata ushirikiano wa dhati kutoka kwa Viongozi na Watumishi wa TAKUKURU ili kutekeleza majukumu aliyopewa kwa ufanisi.

Pia, alimuomba Mhe. Sangu kufikisha salaamu za shukurani kwa Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kuwawezesha kutekeleza majukumu yao kwa ufanisi.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu akizungumza na Watumishi wa Taasisi ya Kuzuia na Kupambana na Rushwa (TAKUKURU) wakati wa ziara yake ya kikazi iliyofanyika jijini Dodoma.

Baadhi ya Watendaji na Watumishi na wa Taasisi ya Kuzuia na Kupambana na Rushwa (TAKUKURU) wakimsikiliza Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu (hayupo pichani) alipokuwa akizungumza nao wakati wa ziara yake ya kikazi.

Mkurugenzi Mkuu wa TAKUKURU, Bw. Crispin Chalamila akielezea utekelezaji wa majukumu ya ofisi hiyo kwa Naibu Waziri, Ofisi ya Rais, Menejimenti ya Utumishi wa Umma na Utawala Bora Mhe. Deus Sangu (hayupo pichani) wakati wa ziara ya kikazi ya Naibu Waziri huyo iliyofanyika jijini Dodoma.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu (kushoto) akimsikiliza Mkurugenzi Mkuu wa TAKUKURU, Bw. Crispin Chalamila (hayupo pichani) wakati akielezea utekelezaji wa majukumu ya ofisi hiyo alipofanya ziara ya kikazi. Kulia ni Katibu Mkuu-IKULU, Bw. Mululi Majula Mahendeka.

 

Baadhi ya Watumishi wa Taasisi ya Kuzuia na Kupambana na Rushwa (TAKUKURU) wakimsikiliza Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu (hayupo pichani) alipokuwa akizungumza nao wakati wa ziara yake ya kikazi.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu akipokea baadhi ya vitendea kazi vya Taasisi ya Kuzuia na Kupambana na Rushwa (TAKUKURU) wakati alipofanya ziara ya kikazi katika ofisi hiyo jijini Dodoma kwa lengo la kufuatilia utekelezaji wa majukumu na kuhimiza uwajibikaji.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu akisalimiana na baadhi ya Viongozi na Watumishi wa Taasisi ya Kuzuia na Kupambana na Rushwa (TAKUKURU) wakati alipowasili katika ofisi hiyo kwa ziara ya kikazi jijini Dodoma.

Kwaya ya Taasisi ya Kuzuia na Kupambana na Rushwa (TAKUKURU) ikitoa elimu kupitia nyimbo wakati Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu alipofanya ziara katika ofisi hiyo kwa lengo la kufuatilia utekelezaji wa majukumu na kuhimiza uwajibikaji.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu akiwa katika picha ya pamoja na baadhi ya Watendaji wa Taasisi ya Kuzuia na Kupambana na Rushwa (TAKUKURU) baada ya kuhitimisha ziara yake ya kikazi katika ofisi hiyo iliyopo jijini Dodoma.